Ẹbụ-ọma 74:9 - Ika

⁹ Ẹnyi arịzị a hụn ọrụn-atụmẹnya ndị ẹnyi gi marịn ị; onwọnzini onyẹ-amụma họdụnị; onwọnzikwọnị onyẹ nke ẹnyi marịn kẹ ụyanị k'e biehan!

Ẹbụ-ọma 74:9 ပူးပေါင်းရင်းမြစ်များ

Ọpụpụ 12:13

Ẹdeke ahụn k'a rị ọnụmụzọ ụnụ k'a wụrụ ahịma ụnụ ye ụlọ ndị hụ ụnụ rị; m hụn ẹdeke ahụn, a ghafe m ụnụ; nsọngbuni e gbuni erukọ ụnụ ẹhụ ogẹn m'e gi mẹ Ijiptu ihiẹn m k'e mẹ ẹ.

Ẹkwan 2:9

Ọnụ-mgbọn Jerusalẹm a dangụọ; ọ kpagipụgụọ ihiẹn ndị wẹ gi fidọn wẹ, wiwipụ wẹ. Eze ẹ lẹ ndị-isi ẹ rị nwan alị ndị ọzọ; Iwu Osolobuẹ arịzị, ndị-amụma rịn'a ara hụnzị ihiẹn ọwụlẹ ebe Osolobuẹ rị.

Izikẹlụ 20:12

M nọzị tumẹsọnmẹni wẹ Ogẹn Ezumikẹn m rị ichẹn-ichẹn n'ọ hụn ụzọ wụrụ ahịma rị ẹgbata mmẹ lẹ wẹ, kẹni wẹ marịn nị mmẹ wụ Osolobuẹ wepụha wẹ, dọn wẹ nsọ.

Izikẹlụ 7:26

Ọdakin k'a gha a bịanị wẹ ọbịbịa-ọbịbịa; wẹ k'a nụsọnmẹ oku nsọngbu. Wẹ k'a chọ uche Osolobuẹ mmaka ẹka onyẹ-amụma; ndị nchụn-ẹjan asakọ ẹka kuzi Iwu Osolobuẹ; ndị-ichẹn asakọ ẹka dụn ọdụn.

Emọsụ 8:11

Di-nwọnni-ẹnyi Osolobuẹ sị, “Ogẹn lalarịrị hụn m k'e gi zi ụnwụn ye alịnị: ẹlẹ ụkọ ihiẹn-oriri mọbụ ụkọ mirin, kanị ụkọ oku-Osolobuẹ.

Maịka 3:6

Ọhịhị k'a gbakin ụnụ ẹnya, ụnụ ahụnkọzị ọhụn; ishi k'a gbakin ụnụ ẹnya, ụnụ eleghakọzị ẹfa gba; anwụn k'a rọnahịn ndị-amụma hụ, eki e ginahịn wẹ.

Maịka 3:7

Ndị ahụn rị a hụnnị ụnụ ụzọ k'a fa; ifẹnrẹn k'e mẹgbu ndị rị a gbanị ụnụ ẹfa. Wẹ ile jẹnkọ d'e kpumẹ ihun wẹ, makẹni onwọnni ihiẹn Osolobuẹ ghọsị wẹ.

Hibru 2:4

Chuku lẹ enwẹn ẹ nọzị shịa ẹri ghahanị ihiẹn-nghọsị lẹ ọrụn atụmẹnya ichẹn-ichẹn lẹ oyiye Mmọn-nsọ o yesọnmẹ k'o dọn chọ.

Ndị Han Eṅẹn 6:17

Ya ọ nọ sị, “O mẹ nwan nị ihiẹn m a sụọghọ ị, ghọsị m nwan ihiẹn m'e gi marịn nị ịyụ wụ Osolobuẹ rị a gwa m okuni:

Samuẹlụ Nke Ibuzọ 3:1

Ogẹnni, nwata ahụn wụ Samuẹlụ rị okpuru Ẹlaị a rụnnị Osolobuẹ ọrụn. Osolobuẹ ara gwaka ịhịan oku ogẹn ahụn, w'a ra hụnka ọhụn.