Ẹbụ-ọma 74:4 - Ika

⁴ Ndị-iṅẹnrẹn i a nọgụọ Ụlọ-nsọ ị yi oro n'e mẹri wẹ; e bugụọdẹ wẹ ahịma wẹ che ebẹhụ!

Ẹbụ-ọma 74:4 ပူးပေါင်းရင်းမြစ်များ

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Ẹkwan 2:7

Di-nwọnni-ẹnyi a jụgụọ ukpo nchụn-ẹjan a, latọ Ụlọ-nsọ a. Ọ nịgụọ eṅẹnrẹn kụtu mgbọn obi-eze ichẹn-ichẹn rịn'a — a bangụọdẹ wẹ Ụlọ Di-nwọnni-ẹnyi wụ Osolobuẹ, nọ a yi oro mmẹri nọkẹ oro w'e yi Ụhụọhịn mmẹmmẹ nsọ.

Daniẹlụ 6:27

Ọ gbapụha ịhịan, a zụọpụha; o mẹ ihiẹn a ghọsị ẹka a lẹ ihiẹn a tụ ẹnya imẹ elu-igwee lẹ enu-ụwa. Ọ gbapụhagụọ Daniẹlụ ọnụ ẹwọrọ.”

Ọgụngụn 2:2

“Ndị Izrẹlụ sikọ d'e tumẹsọnmẹ ọdụ wẹ ghahunmẹ Ọdụ-nsọ, kanị wẹ k'a nọtezi. Onyẹ ọwụlẹ k'e bi ebe wẹ zumẹ ahịma ebọn wẹ lẹ ahịma wẹ gi marịn ikpụlọ wẹ.”

Matiu 24:15

“Ya wụ, ụnụ hụn arụ ahụn k'e buhẹ ntikpọ k'o turu imẹ Ebe rị nsọ nọkẹ kẹ Daniẹlụ onyẹ-amụma dọn ku (onyẹ rị a gụnnị ya ghọta a ọhụnma),

Luku 13:1

Ogẹn ohu hụ kẹ ụfọdụ ndị rị ebẹhụ gi gwa Jesu oku ndị Galili hụ Paịleti gbu ebe wẹ rị a chụnyeni Osolobuẹ ẹjan, gi ẹdeke wẹ gwọ ẹjan ahụn.

Luku 21:20

“Kanị, ụnụ hụn kẹ ndị-agha fihunmẹ Jerusalẹm, ụnụ a marịn nị ogẹn w'e gi tikpọ a a rịgụọ nsue.

Rẹvẹleshọnụ 13:6

Ọ shịapụ ọnụ kujasọnmẹ oku Osolobuẹ lẹ ẹfan a lẹ elu-igwee ebe o bi lẹ ndị rị elu-igwee.