Ẹbụ-ọma 74:21 - Ika

²¹ Anịlẹ ụya ri ndị wẹ rị a zọ ụkụ isi, ka mẹni ndị wẹ rị a bịangbu lẹ ndị mkpa gi, ihiẹn wẹ e gi ja ị mma.

Ẹbụ-ọma 74:21 ပူးပေါင်းရင်းမြစ်များ

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 103:6

Osolobuẹ a tụnị ndị wẹ rị a bịangbu ụya, e kinni wẹ ọnụ wẹ.

Ẹbụ-ọma 35:10

Ihiẹn ile rị imẹ m jẹnkọ d'e yi, “Onyẹ nọ kẹ yụ wụ Osolobuẹ?! Y'a gbapụha ndị wẹ rị a bịangbu ẹka ndị rị a bịangbuni wẹ, a zụọpụha ndị wẹ rị e mẹgbu lẹ ndị wẹ rị e sọngbu ẹka ndị rị e mẹgbuni wẹ.”

Ẹbụ-ọma 9:18

Osolobuẹ a zọchanrịnkọ ndị elu rị a fụ; ihiẹn ndị wẹ rị e mẹshi ikẹn rị e lee ẹnya a alakọ iwi.

Ẹzra 3:11

Wẹ hụ a bụ ẹbụ wẹ gi a ja Osolobuẹ mma lẹ hụn wẹ gi a kpanmịn a, a sị: Ọ rịka mma: O nwọn ihiẹn-ọsụsụọ Izrẹlụ jẹnrin ejẹn. Ịhịan ile nọ yini Osolobuẹ okẹn oro ịja-mma, makẹni e gbegụọ wẹ iyetọ ụlọ Osolobuẹ.

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Ẹbụ-ọma 109:22

Mmẹ nwẹn, m rị e ri ụya, elu rị a fụ m; e tiwagụọ wẹ m akpobi.