Ẹbụ-ọma 74:13 - Ika

¹³ Ịyụ gi ikẹn i kebe ohimin ahụn, kụkpọpụchanrịn eje-anụ ahụn rị imẹ ohimin isi ẹ ile;

Ẹbụ-ọma 74:13 ပူးပေါင်းရင်းမြစ်များ

Nehemiah 9:11

“Ị nọ kewanị wẹ ohimin, a hụn wẹ alị kọrọnị, gi fetu ohimin hụ; kanị y'e bu ndị rị a chụnị wẹ tụye okẹn mirin — rịkẹ ebe ọmụma nọ danye imẹ ohimin.

Ẹbụ-ọma 66:6

Ịya gi ohimin họnrin akpakalị; ndị nke ẹ nọ gi ụkụ fetu; nị ẹnyi gi ihiẹn o mẹ ebẹhụ ghọghọ;

Ẹbụ-ọma 78:13

o kewa ohimin ahụn, we wẹ fetu ẹ, o mẹ mirin hụ wuzo ụzọ ohu lekẹ ụsụọ ẹjan, wẹ nọ ghafe.

Ọpụpụ 14:21

Mozizi nọ nwan tịnpụ ẹka zinmẹ Ohimin ahụn, Osolobuẹ nọ gi okẹn ufere hụn gha ibe ọwụwa ẹnyanwụn bịa nu mirin Ohimin hụ shi azụụnnị lẹ azụụnnị; ufere ahụn nọ kpọ uhinhin ahụn ile, nu mirin hụ shi azụụnnị-lẹ-azụụnnị, akpakalị nọ pụha.

Ọpụpụ 14:28

Mirin ahụn e rukin, rukpumẹ ụgbọ-anyịnyan ndị hụ lẹ ndị-agha nyinkọ ẹshin, ndị agha Fẹro ile hụn chụ ndị Izrẹlụ banye adamada ohimin ahụn. Onwọnni onyẹ ohu imẹ wẹ hụn isi pụha.

Izikẹlụ 29:3

Sị: Osolobuẹ Nwọn Ihiẹn Ile sị: ‘Mmẹ lẹ yụ rọ, Fẹro eze Ijiptu, ẹregede eje-anụ hụn dinẹ ebẹhụ Iyi Naịlị rị, hụn sị, “Iyi Naịlị wụ nke m; ẹka m mẹni m'ẹ.”

Izikẹlụ 32:2

“Nwa-ịhịan, kwanma Fẹro eze Ijiptu, sị a: Ị rị e mẹ ẹwọrọ-ẹwọrọ ebe alị ndị ọzọ rị; kanị ị rịhụ kẹ eje-anụ rị imẹ ohimin: ị hụ a zụnlihi imẹ Iyi i, e gi ụkụ e gberụrụ mirin, a rụrụ mirin Iyi hụ.