Ẹbụ-ọma 74:12 - Ika

¹² Kanị Chuku wụ eze m gha alị lala, eze hụn a zụọpụhasọnmẹ ịhịan elu-ụwanị:

Ẹbụ-ọma 74:12 ပူးပေါင်းရင်းမြစ်များ

Ẹbụ-ọma 44:4

Ịyụ wụ Eze m, Chuku hụn e ye ebọn Jekọpụ wụ Izrẹlụ mmẹri.

Ẹbụ-ọma 5:3

Euu Osolobuẹ, y'a nụ olu m ụtụntụn; ụtụntụn, m'a gwaghọsị ị mkpa m, e cheri i.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 63:8

O te sị, “Eziẹ, ndị nke m kẹ wẹ wụ, ụmụ m hụn jẹnkọlẹni d'e mẹ m ẹro.” Ya k'ọ nọ wụrụ Onyẹ-nzụọpụha wẹ.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Habakọkụ 1:12

“Euu Osolobuẹ, y'ẹlẹzi Onyẹ hụn rị ẹdẹi ra? Chuku m, Onyẹ-nsọ m, ẹnyi anwụnkọ! Euu Osolobuẹ, y'e tumẹgụọ ndị Babilọnụ n'i gi wẹ ye afụnfụn njọ. Heuu, Okẹn-nkumẹ, y'e tumẹgụọ wẹ nwan n'i gi wẹ jụgbọ.

Ọrụn Ndị-ozi 7:7

Kanị m k'e ye alị hụ gi wẹ họnrin igbọn afụnfụn. Omẹgụ, ụmụ ị k'a pụha d'e fe m ebeni. Ya kẹ Chuku ku.’

Samuẹlụ Nke Ibuzọ 19:5

O bu ndụn a che ọb'ẹka ogẹn o gi gbu onyẹ Filistia hụ. Osolobuẹ gi ẹ ye Izrẹlụ ile okẹn mmẹri, yụ nwẹn a hụnghọ a, ẹfọ nọ sụọ ị ụsụọ. K'i k'e mẹni nwan onyẹ nọ kẹ Defidi nwọnlẹni eje-ihiẹn o mẹ njọ? K'i k'e gbun'ẹ bụ onwọnni ihiẹn ị k'a sị y'a k'o mẹ?”