Ẹbụ-ọma 72:10 - Ika

¹⁰ Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Ẹbụ-ọma 72:10 ပူးပေါင်းရင်းမြစ်များ

Jẹnẹsisi 10:7

Ụmụ Kushi wụ Sẹba lẹ Havila lẹ Sabta lẹ Raama lẹ Sab'tẹka. Ụmụ Raama wụ Shẹba lẹ Dedanị.

Ndị-nze Nke Ibuzọ 10:1

Ogẹn okpoho wụ eze Shẹba gi nụ otiti Solomọnụ lẹ ẹfan Osolobuẹ ọ rị e ye ọghọ, ọ nọ bịa d'e gi ajụjụ ndị zeni lele ẹ.

Ndị-nze Nke Ibuzọ 10:10

Ọ nọ ye eze goru kilo ọgụn-ẹnọ kwasị nnụ-uku-ẹnọ (4,480kg), lẹ ihiẹn e shin ọhụnma bugbu enwẹn ẹ ọda lẹ ihiẹn-mma ṅanrannị w'a chọ achọ. Onwọnzini ogẹn wẹ gi buhẹ ihiẹn e shin ọhụnma buhan ọda kẹ hụn okpoho wụ eze Shẹba ye Eze wụ Solomọnụ.

Ndị-nze Nke Ibuzọ 10:2

Ọ nọ bịa Jerusalẹm, ya lẹ igunrun sọnkọn'a; o gi anyịnyan-mkpukpuke ndị busọnmẹ ihiẹn bu ọda e shin ọhụnma lẹ goru bugbu enwẹn ẹ ọda lẹ ihiẹn-mma ṅanrannị w'a chọ achọ bịa. Ọ nọ bịa d'e kunrun Solomọnụ d'e du ẹ ku; wẹ nọ kuchanrịn ihiẹn ile okpoho hụ chọ nị wẹ ku oku ẹ.

Ndị-nze Nke Ibuzọ 10:25

Ahụa-ahụa, ndị ile rị a bịanị hụ e buhẹ ihiẹn, ihiẹn siliva lẹ goru, ẹkwa, ihiẹn-ọgụn, ihiẹn-akụnkụn e shin ọhụnma lẹ ndị asụọnị, ẹshin lẹ anyịnyan-mulu.

Ihiẹn Mẹni Nke Ẹbụọ 9:21

Eze wụ Solomọnụ nwọn igunrun ụgbọ-mirin wẹ gi a zụ afịa hụn idibo eze Taya wụ Hiram a nyann'a. Ahụa ẹtọ-ẹtọ kẹ ụgbọ-mirin ndị ahụn gi a lụa, e bulụa goru, siliva, eze-enyi lẹ ọzọ lẹ adaka.

Ẹsta 10:1

Eze wụ Ahazẹrusu kịchanrịn alị ile rị akpakalị lẹ ndị rịkwọrị mkpẹnrẹn ohimin, wẹ ile hụ a tụhan'a ụtụ.

Ẹbụ-ọma 45:12

Kẹ ndị alị Taya k'e gi oyiye bịa d'a chann'ị ẹnya, ndị kachanrịn ọdanfịn k'a chann'ị ẹnya.

Ẹbụ-ọma 68:29

Ndị-nze k'e buhẹn'i oyiye wẹ gi a gbaye i imẹ Ụnọ-NSỌ ị rị Jerusalẹm,

Ẹbụ-ọma 68:30

Jụgbọ alị Ijiptu, eje-anụ ẹfịfịa-mirin ahụn; igunrun okẹn-efin ọfịa ahụn hụn rị imẹ igunrun ụmụ-efin ndị alị ichẹn-ichẹn, mẹkọ oku ịtụn'a egho siliva! Chụzịza ndịnị agha a sụọ ụsụọ!

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 60:6

Anyịnyan mkpukpuke k'e jun alị ị, okoro Anyịnyan mkpukpuke hụn ghasọnmẹ alị Midianị lẹ alị Efa bịa. Kẹ ndị hụn k'a gha alị Shẹba bịa bukọ goru lẹ nsẹnsi — a ja ẹfan Osolobuẹ mma wẹ lalanị.

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Matiu 2:11

A banye wẹ imẹ ụlọ ahụn, hụn nwata hụ lẹ nnẹ ẹ wụ Meri, wẹ nọ kụnị nwata hụ isi-alị. Ya wẹ nọ kpọpụ ẹkpẹti wẹ buche ihiẹn rị mma, ye ẹ goru lẹ frankisẹnsị lẹ maa.