Ẹbụ-ọma 71:22 - Ika

²² M k'a kpọ ụbọ kpanmịn ị, Chuku m, makẹni ihiẹn i ku kẹ y'e mẹ; m k'a kpọ ụbọ gi ja ị mma, Onyẹ-nsọ alị Izrẹlụ.

Ẹbụ-ọma 71:22 ပူးပေါင်းရင်းမြစ်များ

Ndị-nze Nke Ẹbụọ 19:22

Onyẹ k'i rị a kpari, e kuja oku ẹ? Onyẹ k'i gandẹ ọgịngan hụ, e leshi elu e leshi alị? Onyẹ nsọ Izrẹlụ rọ!

Ẹbụ-ọma 138:2

M k'e bu ihun zinmẹ ibe Ụlọ-NSỌ ị, kụ isi alị ja ẹfan ị mma, yeni ihiẹn-ọsụsụọ ị lẹ ezioku i: y'e yegụọ nwan oku i ọghọ karị ẹfan ile wẹ gi marịn ị.

Ẹbụ-ọma 144:9

Euu Chuku, m k'a bụn'ị ẹbụ ọhụn; m k'e gi ụbọ eriri-iri kpọn'ị egu.

Ẹbụ-ọma 25:10

Ụzọ Osolobuẹ ile wụ ihiẹn-ọsụsụọ ihiẹn-ọsụsụọ lẹ ihiẹn wẹ gi e dọn ẹnya — ebe ndị e mẹ ihiẹn Iwu ẹ chọ rị.

Ẹbụ-ọma 33:2

Gi ni ụbọ-hapụ ja Osolobuẹ mma; gi ni ụbọ-layẹ nwọn eriri-iri kpọn'a egu.

Ẹbụ-ọma 43:4

Ogẹn ahụn, e shi m ukpo wẹ n'a chụnyeni Chuku ẹjan; e jẹnburu m Chuku hụn wụ okẹn ịghọghọ m; e gi m ụbọ bụn'ị ẹbụ ọjịja-mma — Chuku, Chuku m!

Ẹbụ-ọma 56:4

M k'a ja Chuku mma makẹ nkwa o kwe. Chuku kẹ m gi e dọn ẹnya; egun atụkọ m; kị ịhịan k'a s'ẹka mẹ m?!

Ẹbụ-ọma 78:41

a tọ wẹ a chọ ihiẹn rị Chuku ọnụ, e mẹ ihiẹn a fụ Onyẹ-nsọ Izrẹlụ.

Ẹbụ-ọma 89:1

M k'e gi ihiẹn-ọsụsụọ Osolobuẹ bụ ẹbụ jẹnrin ejẹn! M k'e gi ọnụ m gwa agbọ ile n'ị wụ onyẹ wẹ gi e dọn ẹnya!

Ẹbụ-ọma 89:18

Makẹni, akpaịn ẹnyi, eze ẹnyi, wụ nke Osolobuẹ; ẹghẹẹ, eze ẹnyi gha ẹka Onyẹ-nsọ alị Izrẹlụ bịa.

Ẹbụ-ọma 98:3

Ọ nyanhangụọ ghọsịzị ndị Izrẹlụ ihiẹn-ọsụsụọ a, ghọsị wẹ n'o furu wẹ gi e dọn ẹnya. Elu ụwa ile a hụngụọ nzụọpụha Osolobuẹ ẹnyi!

Ẹbụ-ọma 98:4

Ụwa ile, yini ni Osolobuẹ oro ịghọghọ! Gi ni ịghọghọ bụye ẹbụ, kpọ egu!

Ẹbụ-ọma 98:5

Gi ni ụbọ kpọnị Osolobuẹ egu; gi ni ụbọ kpọn'a egu!

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 5:16

Kanị Osolobuẹ, Onyẹ nwọn ikẹn ile k'e gi ezigbo-eṅẹn ẹ nwọnrin ọghọ, Chuku hụn rị nsọ k'e gi ezi-omumẹ ẹ ghọsị n'ọ rị nsọ.

Azaya 5:19

ndị hụn a sị, “Chuku ya mẹmẹ ozigbo, ya rụnkẹnrin ihiẹn nwẹn o k'a rụn, nị ẹnyi hụn a; ihiẹn ahụn Onyẹ-nsọ Izrẹlụ romẹ ya mẹmẹ nwan; ya mẹmẹ kẹni ẹnyi marịn ihiẹn hụ.”

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Ndị Rom 15:8

Makẹni Kraịstị bịa d'a wụrụ odibo ndị Ju, kẹni ọ ghọsị nị Osolobuẹ wụ onyẹ ezioku ghahanị imẹzu nkwa Osolobuẹ kwe ndị nẹdi wẹ kanị;