12 Chuku dodo nọkunmẹ m! Chuku m, bịakẹnrin d'e yeni m ẹka!
Euu Osolobuẹ, k'ị nọteni nwan ebe m rị? Kị y'e zuemẹ enwẹn i ogẹn nsọngbu?
Osolobuẹ dodo zakẹnrin m, nị ndụn a gụgụọ m. Efepụkwọlẹ m ẹnya, amamgbe m'a laburu ndị rị imẹ ili.
Dodo, anọtelẹ nwan ebe m rị, makẹni nsọngbu rị nsue, bụ onwọnni onyẹ k'e yeni m ẹka.
Euu Osolobuẹ, yụ nwẹn anọtelẹ ebe m rị; euu Ikẹn m, bịakẹnrin d'e yeni m ẹka!
Euu Osolobuẹ, y'a hụngụọ a; agbakwọlẹ nkịtịn. Onyẹ-nwọnni-ẹnyi, dodo, anọtelẹ ebe m rị.
Osolobuẹ, dodo zụọpụha m; Osolobuẹ dodo bịakẹnrin d'e yeni m ẹka.
Nọzụhan n'ị gbapụha m! D'a gbapụha m ẹka ndị-iṅẹnrẹn m.
Kanị ụya rị nwan e ri m, mkpa gi m; Chuku, dodo d'e yekẹnrinni m ẹka! Osolobuẹ, ịyụ wụ onyẹ e yeni m ẹka lẹ onyẹ a zụọpụhanị m; dodo ebiekwọlẹ!
