Ẹbụ-ọma 70:4 - Ika

⁴ Kanị, ndị ile rị a chọ nke i, wẹ nwọnmẹ anwịnrịn, ghọghọma! Ndị nzụọpụha ị a sụọ ụsụọ wẹ tọ a sị, “Ọjịja-mma ya rịnị Chuku!”

Ẹbụ-ọma 70:4 ပူးပေါင်းရင်းမြစ်များ

Ẹbụ-ọma 35:27

Kanị, oro ịghọghọ lẹ anwịnrịn ya wụrụ nke ndị rị a chọ nị wẹ nụ nị ẹka m rị ọchan; wẹ hụnsọnmẹ ihiẹn wẹ e gi sị, “Ọghọ ya rịnị Osolobuẹ, hụn a chọ n'ọ rịnị odibo ẹ mma.”

Ẹbụ-ọma 40:16

Kanị, ndị ile hụn e fen'i wẹ gi ufiri i ghọghọma, ẹfọ ya sụọma wẹ ụsụọ; ndị hụn nzụọpụha ị a sụọ wẹ kumẹ ogẹn ile sị, “Ọghọ ya rịnị Osolobuẹ!”

Ẹbụ-ọma 5:11

Kanị, ẹfọ ya sụọma ndị gbaburun'i ụsụọ — ẹbụ ịghọghọ ya rịsọnmẹ wẹ ọnụ. Dodo, kpumẹ wẹ kẹni ndị ihiẹn i a sụọ gi ufiri i ghọghọ.

Ẹbụ-ọma 97:12

Ndị ezi-omumẹ, gi ni ufiri Osolobuẹ ghọghọma; a nyanhan nị k'ọ rịhan nsọ, a kpanmịn a.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Ẹkwan 3:25

Osolobuẹ e mẹyekẹni ndị gi ẹ dọn ẹnya — onyẹ ọwụlẹ hụn a chọ uche ẹ;

Jọnụ 16:20

M rị a gwa ụnụ ezioku nị ụnụ k'a gha a kwan, e goo, ụwa nkẹ hụ a ghọghọ; ụnụ k'a sụkụrụ (gbusuru) kanị, o nọbe, ịghọghọ a nọkin ẹnya ẹkwan hụ.