Ẹbụ-ọma 7:17 - Ika

¹⁷ M k'a kpanmịn Osolobuẹ makẹ ezigbo eṅẹn ọ han, m k'a bụ ẹbụ gi ja ẹfan Osolobuẹ mma, Onyẹ ahụn kachanrịnnị.

Ẹbụ-ọma 7:17 ပူးပေါင်းရင်းမြစ်များ

Samuẹlụ Nke Ẹbụọ 3:29

Ẹdeke ẹ ya rị Jụabụ lẹ ikpụlọ nẹdi ẹ ile isi! Okẹnnyẹ ẹtẹ rị e ru ẹbụn rị ẹhụ mọbụ oti mọbụ onyẹ gi ọkpọ e jẹn mọbụ onyẹ wẹ gi ọpịa-agha gbu mọbụ onyẹ nni-ọnụ rị a kọ akọkọ iwe Jụabụ!!”

Ndị-nze Nke Ibuzọ 2:32

Osolobuẹ jẹnkọ d'a kụ a ụgwọ ọchụ o gbu, makẹni, ọ jụnị nẹdi m wụ Defidi, ọ nọ gi ọpịa-agha maye ikẹnnyẹ ẹbụọ, gbu wẹ. Wẹ ẹbụbụọ — kẹ Abna nwa Nẹ hụn te kị ndị-agha Izrẹlụ ile wezụka Juda kẹ Amasa nwa Jeta hụn te kị ndị-agha Juda — ka a ezigbo ịhịan a wụ, ka a ọchan a rị.

Ẹsta 9:25

Kanị, mgbe Ẹsta gi jẹnburu eze, eze nọ ti iwu, detu ẹ, sị wẹ hụn a nị eje-ihiẹn ahụn Hamanị romẹni ndị Ju nọ isi ẹ bi, sịzịkwọ wẹ hogbu Hamanị, kọn ẹhụ ụmụ a ikẹnnyẹ ye ihiẹn wẹ gi e hogbu ịhịan.

Ẹbụ-ọma 111:3

Ihiẹn ile o mẹ nwọn mgbaye lẹ ọghọ; o mẹsọnmẹ ihiẹn furuni jẹnrin ejẹn.

Ẹbụ-ọma 140:10

wẹ hukpu wẹ ikeke-ọkụn isi; wẹ tụ wẹ ye imẹ ọkụn, imẹ okẹn mgbugbu; wẹ tọ ebẹhụ.

Ẹbụ-ọma 145:7

Wẹ k'a e ku oku ọhụnma ile bu ọda hụn i mẹ, e gi ezi-omumẹ i a bụshi ẹbụ elu.

Ẹbụ-ọma 35:28

Ogẹn ahụn, ire m k'a rị e ku oku ezi-omumẹ i, a ja ị mma kẹ ụhụọhịn han.

Ẹbụ-ọma 51:14

Chuku, dodo anịlẹ isi m tọ ọchụ m gbu, dodo, Chuku hụn a zụọpụhanị m! Ọnụ m sikọ d'e yi oro ịghọghọ, ku ẹ nị y'a rịka mma.

Ẹbụ-ọma 9:2

M k'e gi ufiri i nwọn anwịnrịn, ghọghọ! M k'e gi ẹbụ ja ẹfan ị mma, ịyụ, Onyẹ hụn Kachanrịnnị.

Ẹbụ-ọma 92:1

Ịkpanmịn Osolobuẹ a rịka mma, e gi ẹbụ a ja ẹfan Onyẹ Ahụn Kachanrịnnị mma,

Ẹbụ-ọma 92:8

Kanị Osolobuẹ, ọghọ wụ nke i jẹnrin e jẹn!

Ẹbụ-ọma 98:2

Osolobuẹ a ghọsịgụọ n'ọ zụọpụha azụọpụha; ọ nọgụọ idẹnya alị ndị ọzọ tụ ụya k'o dọn a tụ.

Daniẹlụ 4:17

“ ‘Ndị-ozi hị ihiẹnni; ndị-nsọ sị ihiẹnni mẹ, kẹni ịhịan ile rị ụwa marịn nị alị-eze ile ịhịan pumẹ rịchanrịn okpuru Onyẹ hụ Kachanrịnnị, nị o we wẹ e ye onyẹ ọwụlẹ ọ chọ, e wedẹ wẹ e ye onyẹ kachanrịn ntịn a kị.’

Daniẹlụ 4:25

wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Ọrụn Ndị-ozi 7:48

“Kanị Onyẹ Hụ Kachanrịnnị ara bi ụlọ wẹ gi ẹka tụn. Ịya kẹ onyẹ-amụma gi sị,

Ndị Han Eṅẹn 9:24

Osolobuẹ mẹ ihiẹnni makẹ njọ hụ wẹ mẹ ụmụ Jeru-Baalụ iri kwasị ọgụn-ẹtọ, ogbugbu wẹ gbu wẹ. Osolobuẹ mẹ ẹ n'o gi ẹ mẹgwarị nwẹnẹ wẹ wụ Abimẹlẹkị lẹ ndị Shẹkẹm hụn yen'ẹ ẹka gbu umunẹ ẹ.

Ndị Han Eṅẹn 9:57

Osolobuẹ gizikwọ ihiẹnni kụ ndị Shẹkẹm ụgwọ eje-ihiẹn ile wẹ mẹ. Ọnụ Jọtam nwa Jeru-Baalụ bụ wẹ nọ ru wẹ ẹhụ.