Ẹbụ-ọma 69:26 - Ika

²⁶ makẹni wẹ rị e kpokpo ndị ị rị e ye afụnfụn; wẹ rị e gi ọnụ a kọchan ndị ị rụ ẹhụ!

Ẹbụ-ọma 69:26 ပူးပေါင်းရင်းမြစ်များ

Ihiẹn Mẹni Nke Ẹbụọ 28:9

Kanị O nwọnghọ onyẹ-amụma Osolobuẹ rị imẹ Sameria ebẹhụ. Ẹfan a wụ Odẹdi; ọ nọ jẹnburu ndị-agha hụ kẹ wẹ kinla Sameria. Ọ sị wẹ, “Osolobuẹ hụn wụ Chuku ndị nẹdi ụnụ gi olulu ọ rị e buni ndị Juda we wẹ ye ụnụ mẹri. Kanị ụnụ e gigụọ olulu jọgbu enwẹn ẹ ẹnya Osolobuẹ gbu wẹ eje-ogbugbu.

Jobu 30:13

E wiwi wẹ ụzọ m te k'a gha; a hụngụọ wẹ ụzọ tikpọ m — onwọndẹni onyẹ wẹ rịọ yeni wẹ ẹka.

Ẹbụ-ọma 109:16

Makẹni onwọnni ogẹn ya wụ okẹnnyẹ gi nwọn ihiẹn-ọsụsụọ; ọchụchụ-ọchụchụ k'ọ chụsọnmẹ ndị ụya rị e ri lẹ ndị elu rị a fụ lẹ ndị ndụn gụ, kẹni o gbu wẹ.

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Azaya 53:4

Eziẹ, nsọngbu ẹnyi k'o buru; afụnfụn nkẹ ẹnyi a ta k'ọ ta — kanị ẹnyi weri ẹ nị Osolobuẹ rị e ye ẹ afụnfụn ihiẹn o mẹ, nị ịya rị a fịan a ihiẹn, e mẹshi ẹ ikẹn.

Zẹkaraya 1:15

kanị iwe alị ndị ọzọ ndịnị ẹhụ fu rị e we m, makẹni e gigụọ wẹ ẹkẹrẹ olulu m te rị e buni ndị nke m mẹ wẹ eje-ihiẹn.’

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Ndị Tẹsalonika Ibuzọ 2:15

Ndị Ju hụn gbu Di-nwọnni-ẹnyi Jesu Kristi lẹ ndị-amụma, chụpụzịkwọ ẹnyi. W'e mẹsọnmẹ ihiẹn ghalẹni a sụọ Osolobuẹ; a mayesọnmẹ onyẹ ọwụlẹ,