Ẹbụ-ọma 68:9 - Ika

⁹ Euu Chuku, ị nọ mẹ mirin zue ọda-ọda, gi ẹ mẹ alị ị te kpọgụ nkụn mẹmẹzi ọhụnma.

Ẹbụ-ọma 68:9 ပူးပေါင်းရင်းမြစ်များ

Ndị-nze Nke Ibuzọ 19:11

Osolobuẹ nọ sị a, “Pụha imẹ okporoni d'e wuzo elu-uguni ihun Osolobuẹ.” Osolobuẹ nọ ghafe: okẹn ufere nọ buruni Osolobuẹ ụzọ, e tiwa ugu hụ, e tikpọsọnmẹ ọmụma, kanị Osolobuẹ arị imẹ ufere hụ; ufere a kpọgụ, alị nọ mẹhunmẹ, kanị Osolobuẹ arịkwọ alị-ọmahihie hụ;

Ọpụpụ 19:18

Ẹnwụnrụn jun Ugu-Saịnaị, makẹni Osolobuẹ gi ọkụn hidanye ẹ. Ẹnwụnrụn ahụn hụ a lọshi elu rịkẹ ẹnwụnrụn ẹgboko wẹ rị e yi ọkụn; ugu ahụn hụ e zinzin ọda-ọda,

Izikẹlụ 34:26

M k'e mẹ uwẹ lẹ ebe ile fihunmẹ ugu m wụrụ ngọzi. M k'e zihẹ mirin udu ẹ, mirin hụn k'e wẹhẹ ngọzi.

Ditrọnọmi 11:14

Osolobuẹ sị, “M k'e zi mirin zueye alị ụnụ udu-mirin, kẹ mirin ibuzọ wụ mirin ahụa kẹ mirin ikpanzụụn, kẹni ụnụ hụn ọka, manya lẹ ofigbọn-olivu.

Ndị Han Eṅẹn 5:4

Euu Osolobuẹ, ogẹn i gi gha Sẹẹ buli, ogẹn i gi gha alị Ẹdọm jẹnpụha, alị nọ zinzin, igwere nọ zue mirin; igwere nọ hutu mirin.

Ndị Han Eṅẹn 5:5

Ugu ichẹn-ichẹn nọ zinzinni Osolobuẹ, Osolobuẹ, Chuku Saịnaị, e zinzinni wẹ Osolobuẹ Chuku Izrẹlụ.