Ẹbụ-ọma 68:3 - Ika

³ Kanị, ndị ezi-omumẹ k'a ghọghọ, wẹ k'a ghọghọ ihun Chuku; wẹ k'a ghọghọ, ẹfọ a sụọ wẹ ụsụọ.

Ẹbụ-ọma 68:3 ပူးပေါင်းရင်းမြစ်များ

Ẹbụ-ọma 21:1

Euu Osolobuẹ, eze rị a ghọghọ nị i ye ẹ ikẹn; ọ rị a ghọghọ ọda-ọda makẹni y'e yeọlẹ ẹ mmẹri.

Ẹbụ-ọma 32:11

A ghọghọ nị imẹ Osolobuẹ, e nwọn anwịnrịn, ụnụ ndị e feshi Osolobuẹ ikẹn; e yi ni oro ịghọghọ, ụnụ ile obi wẹ rị ọchan.

Ẹbụ-ọma 37:20

Kanị ndị-njọ k'a la iwi; ndị-iṅẹnrẹn Osolobuẹ k'a nọ kẹ mma obobo ọfịa; wẹ k'e fopụ, fopụ kẹ ẹnwụnrụn.

Ẹbụ-ọma 43:4

Ogẹn ahụn, e shi m ukpo wẹ n'a chụnyeni Chuku ẹjan; e jẹnburu m Chuku hụn wụ okẹn ịghọghọ m; e gi m ụbọ bụn'ị ẹbụ ọjịja-mma — Chuku, Chuku m!

Ẹbụ-ọma 58:10

Ndị ezi-omumẹ k'a ghọghọ n'a hụngụọ wẹ mmẹgwarị Chuku mẹgwarị wẹ; wẹ k'a nọ imẹ ẹdeke ndị-njọ chan ụkụ!

Ẹbụ-ọma 64:10

Ndị ezi-omumẹ ile k'a ghọghọma makẹ ihiẹn Osolobuẹ mẹ, e gbọnni w'ẹ; ndị ile obi wẹ kụrụ ọtọ k'a ghọghọ, a nyan isi.

Ẹbụ-ọma 75:4

A sị m ndị rị a nyan isi, “Ekukarịzịlẹ ni enwẹn ụnụ.” A sị m ndị-ejẹ, “Kpabehi ni ikẹn ahụn ụnụ rị a kpa;

Ẹbụ-ọma 97:12

Ndị ezi-omumẹ, gi ni ufiri Osolobuẹ ghọghọma; a nyanhan nị k'ọ rịhan nsọ, a kpanmịn a.

Ditrọnọmi 12:12

ụnụ a nọzị ihun Osolobuẹ wụ Chuku ụnụ ebẹhụ mẹ mmẹmmẹ rịn'a, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho lẹzi ndị Livaị rị obodo ụnụ makẹni ekeyeni wẹ ndị Livaị alị mọbụ ukuu nke ẹka wẹ.

Ndị Tẹsalonika Ibuzọ 5:16

A ghọghọ nị ogẹn ile.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 19:7

Nị ẹnyi ghọghọma nị, a ṅan; nị ẹnyi yemẹ ẹ ọghọ, makẹni agbamẹkụkwọ Nwa-ebulu hụ e rugụọ; nwagbọọ o k'a lụ e kọnrinọlẹ.