Ẹbụ-ọma 68:1 - Ika

¹ Chuku lihi ọtọ, ndị-iṅẹnrẹn ẹ a gbayịya, ndị iwe ẹ a gbapụ!

Ẹbụ-ọma 68:1 ပူးပေါင်းရင်းမြစ်များ

Ihiẹn Mẹni Nke Ẹbụọ 6:41

Dodo Osolobuẹ wụ Chuku, d'a nọdị nwan ebe ezumikẹn i — yụ lẹ Ẹkpẹti hụn a ghọsị ikẹn i. Osolobuẹ wụ Chuku m, ndị nchụn-ẹjan ị wẹ yiri nzụọpụha nọkẹ ẹwuru; ndị nsọ ị wẹ ghọghọ nị y'a rịka mma.

Ẹbụ-ọma 21:8

Ẹka yụ wụ eze k'e kwọndọn ndị-iṅẹnrẹn i ile, ẹka-nni i k'a nwụndọn ndị iwe i.

Ẹbụ-ọma 44:26

Lihi nwan d'e yeni ẹnyi ẹka! Gi ufiri ihiẹn-ọsụsụọ ị gbapụha ẹnyi!

Ẹbụ-ọma 59:11

Kanị, egbulẹ wẹ, amamgbe ndị nke m a zọ ikẹn i. Ka gi ikẹn i kpayịya wẹ, y'e welụa wẹ alị, dodo Osolobuẹ, Akpaịn hụn e che ẹnyi nche.

Ẹbụ-ọma 68:14

Ogẹn Onyẹ Nwọn Ikẹn ile gi mẹri ndị-nze elu ugu Zalụmọnụ chụzịza wẹ, mirin oyi ọchan wụ sno hụn a kpụkpụrụnị, e ziẹnjun elu-ugu Zalụmọnụ.

Ẹbụ-ọma 68:30

Jụgbọ alị Ijiptu, eje-anụ ẹfịfịa-mirin ahụn; igunrun okẹn-efin ọfịa ahụn hụn rị imẹ igunrun ụmụ-efin ndị alị ichẹn-ichẹn, mẹkọ oku ịtụn'a egho siliva! Chụzịza ndịnị agha a sụọ ụsụọ!

Ẹbụ-ọma 89:10

Ịyụ tikpụkpọ Rehabụ, Onyẹ mpache, gbu ẹ; ịyụ gi ikẹn i hi-ogbe chụzịza ndị-iṅẹnrẹn i.

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Azaya 33:3

Wẹ nụ ụzụn ị, ndị alị ichẹn-ichẹn rị a lụsọn ẹnyi agha a gbama ọsọ; I lihi ọtọ, alị ile a gbayịya.

Izikẹlụ 5:2

Ị nọzugụ akpọhịn ole hụ y'e gi ghọsị okehunmẹ wẹ sikọ d'e kehunmẹ Jerusalẹm, y'e weri ụzọ ohu imẹ ntutu hụ ị kọpụha, dụn a ọkụn etintinnaị Jerusalẹm hụ i seye elu ụrụa. Y'e weri ụzọ ohu, gi ọpịa-agha beyịya wẹ imẹ obodo hụ; y'a bụọ ụzọ ohu họdụnị ye imẹ ufere, m jẹnkọ d'e sepụha ọpịa-agha chụ wẹ.

Daniẹlụ 2:35

Wẹ ile, kẹ igwe-mmaka kẹ ụrụa kẹ igwe-bronzu kẹ siliva kẹ goru nọ kụkpọpụ, nọchanrịn kẹ ẹfịfịa-ọka rị alị ebe wẹ nọ a kụkpọ ọka imẹ ọhọhị; ya kẹ ufere nọ fepụ wẹ, kaka akpụ-ohu ahọdụnị. Kanị ọmụma nwẹn ti ihiẹn ahụn wẹ kpụ nọ họnrin ẹregede ugu, shịagbarị ụwa ile.

Ọgụngụn 10:35

Ogẹn ọwụlẹ Ẹkpẹti hụ gi buli, Mozizi sị, “Euu Osolobuẹ, lihi ọtọ! Ndị iṅẹnrẹn i wẹ gbayịya! Ndị iwe i wẹ gbamanị ị ọsọ.”

Ditrọnọmi 7:10

Nke ndị hụn ize ẹ e ze, o mẹgwarị wẹ idẹnya wẹ hụn o gi tikpọ wẹ; ẹghẹẹ, o mẹgwarị ndị ahụn ize ẹ e ze idẹnya wẹ, a ra lee ẹnya azụụn.