Ẹbụ-ọma 67:6 - Ika

⁶ Ihiẹn wẹ kụnye alị e mẹgụọ, Chuku wụ Chuku ẹnyi a gọzikẹ ẹnyi!

Ẹbụ-ọma 67:6 ပူးပေါင်းရင်းမြစ်များ

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Ẹbụ-ọma 48:14

Makẹni, Chukuni wụ Chuku ẹnyi jẹnrin ejẹn; ịya k'e duzikwọ ẹnyi jẹnrin ejẹn.

Ọpụpụ 3:15

Chuku nọzị sị a, “Gwa ndị Izrẹlụ, ‘Osolobuẹ hụn wụ Chuku ndị nẹdi ụnụ, Chuku Ebraham, Chuku Aziki, Chuku Jekọpụ zihẹ m d'e kunrun ụnụ.’ Ọnwan wụ ẹfan m jẹnrin ejẹn, ẹfan agbọ ile jẹnkọ d'e gi a nyanhan m.

Azaya 1:19

Omẹni ụnụ e wepụha obi, humẹ isi, ụnụ k'e ri ezigbo ihiẹn rị alịnị;

Jerimaya 31:1

O ru ogẹn hụ, m jẹnkọ d'a wụrụ Chuku ebọn ile rị Izrẹlụ, wẹ nwẹn a wụrụ ndị nke m. Ya kẹ Osolobuẹ ku.

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Lẹvitikọsụ 25:19

alị e mẹni ụnụ ihiẹn ọhụnma-ọhụnma, ụnụ e ri, rijun ẹfọ, bi alị hụ, onwọnni ihiẹn k'e mẹ ụnụ.

Lẹvitikọsụ 26:4

m k'e zihẹni ụnụ mirin, udu ẹ ru — alị e mẹ ihiẹn, osisi ụnụ kụn a mị mkpụrụ.