2 Gi ni ẹbụ ja ẹfan a mma! Ja n'a mma ọhụnma-ọhụnma!
Ya ndị Livaị wụ Jeshụa lẹ Kad'miẹlụ lẹ Bani lẹ Hashab'neya lẹ Shẹrẹbịa lẹ Hodia lẹ Shẹbania lẹ Pẹtahia nọ hị: “Lihi ni ja Osolobuẹ wụ Chuku ụnụ mma, Onyẹ hụn nwọnlẹni mbidọn mọbụ ọgụgụ!” “Ịja-mma ya rịnị ẹfan ị hụn nwọn ọghọ; wẹ ye ẹfan ị ọghọ hụn karị ekele ile lẹ ịja-mma ile.
Onyẹ k'a s'ẹka kugụ okẹn-ihiẹn ile Osolobuẹ mẹ? Onyẹ k'a s'ẹka kuchanrịn ihiẹn ile w'e gi ja a mma?!
Wẹ kpanmịn nwan Osolobuẹ makẹ ihiẹn-ọsụsụọ a, makẹ ọrụn-atụmẹnya ọ rụnsọnmẹni ịhịan.
Wẹ chụnyesọnmẹn'ẹ ẹjan w'e gi a kpanmịn a; wẹ yimẹ oro ịghọghọ e ku ihiẹn ndị ọ rụn!
Euu Chuku, onyẹ hụn e nyin igwere kẹ anyịnyan, igwere hụn rị ẹdẹi! Gọn ni ntịn, n'o kuọlẹ oku, gọn ni ntịn okẹn olu ẹ.
Ọjịja-mma ya rịnị Osolobuẹ wụ Chuku, Chuku ndị Izrẹlụ — hụn ịya sụọ a rụn ọrụn atụmẹnya.
Yeni nwan ẹnyi ẹka, Chuku hụn a zụọpụhanị ẹnyi, gi ye ẹfan ị ọghọ; dodo, zụọpụha ẹnyi, gbagharị ẹnyi njọ makẹ ẹfan ị.
Wẹ ile wẹ ye Osolobuẹ ọghọ, wẹ ku ihiẹn o mẹ — kẹ alị ndị teni rị mkpẹnrẹn ohimin.
Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.
Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”
M nọ nụzị kẹ ihiẹn ile Osolobuẹ ke rị a bụ ẹbụ — kẹ ndị rị elu-igwee kẹ ndị rị elu-ụwa kẹ ndị rị okpuru ụwa kẹ ndị rị imẹ ohimin. Ihiẹn wẹ rị a bụ wụ: “Ọjịja-mma lẹ mgbaye lẹ ọghọ lẹ ọkịkị wụ nke Onyẹ hụ nọdị ukpo-eze lẹ Nwa-ebulu hụ — jẹnrin ejẹn!”
