18 Omẹni m te rị e ro njọ, Osolobuẹ eke gọn m ntịn.
Ẹkwan nwọnlẹni isi rọ, Chuku ara gọn ẹ ntịn; Onyẹ Nwọn Ikẹn Ile ara feyedẹ ẹ ẹnya.
Kpachanpụkwọ ẹnya amamgbe y'e mẹmẹ eje-ihiẹn, makẹni ọ rị ị nwan n'i mẹ eje-ihiẹn karị ịta-afụnfụn.
Osolobuẹ a nọte anọte ebe ndị eje-omumẹ rị, kanị ọ nụ ekpere ndị ezi-omumẹ.
Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.
Onyẹ fakin ntịn ebe ndị igbẹnnyẹ rị a kwan, ya nwẹn k'a kwan onwọnni onyẹ k'a zan'a.
Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.
Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;
Ẹnyi a marịnghọ nị Osolobuẹ ara gọn onyẹ-njọ ntịn, nị onyẹ e fen'ẹ lẹ onyẹ e mẹ uche ẹ k'o gọn ntịn.
Ụnụ rịọdẹ ụnụ ara nwọnhẹn, makẹni ụnụ rị a rịọ hụn furulẹni nị ụnụ rịọ, hụn ụnụ e gi mẹ ihiẹn a sụọnị ụnụ.
