17 A kpọkughọ m'a, gi ẹbụ ja a mma.
Kị m'e gi kụ Osolobuẹ ụgwọ ihiẹn-ọmanị ile o mẹni m?
M k'a ja ị mma, Chuku m hụn wụ Eze; m k'a ja ẹfan ị mma jẹnrin ejẹn.
M k'a ja ị mma, Osolobuẹ, makẹni i dọpụha m imẹ mgbugbu, y'a nịnị ndị-iṅẹnrẹn m mụ m ẹmụ.
A kpọku m'i, Osolobuẹ; a kwanghọsị m Onyẹ-nwọnni m n'o mẹni m omikẹn:
“Elee erere kẹ ọnwụn m k'a ban? M shi imẹ mgbugbu hụ, elee erere k'o k'a ban? Nị ẹjan ja ị mma? Nị ẹjan ku ẹ nwan n'i furu wẹ gi e dọn ẹnya?
Ogbẹnnyẹni a hịghọ, Osolobuẹ nọ za a; ọ zụọpụha a imẹ nsọngbu ẹ ile.
