Ẹbụ-ọma 61:2 - Ika

² M rị ebeni tegbu enwẹn ẹ ụwa ru a kpọku i, makẹni ndụn a gụgụọ m; bu m che elu ọmụma jẹn elu ọda-ọda, hụn jẹnkarị m elu;

Ẹbụ-ọma 61:2 ပူးပေါင်းရင်းမြစ်များ

Ẹbụ-ọma 142:3

Ebe ndụn nọ gụchanrịn m, ịyụ sụọ marịn k'ọ rị m. E shigụọ wẹ ọnyan zuemẹni m ụzọ m'a gha.

Ẹbụ-ọma 143:4

Ya haịn ndụn gi rị a gụ m; obi hụ a nahịn m.

Ẹbụ-ọma 17:1

Dodo Osolobuẹ, gọn ntịn arịrịọ onyẹ ezi-omumẹ; lee ẹkwan m rị a kwan; gọn ntịn ekpere m — nị ntụ arị m ọnụ!

Ẹbụ-ọma 18:2

Osolobuẹ wụ Okẹn-ọmụma e che m nche, ebe m'a gbaban lẹ onyẹ hụn a zụọpụhanị m! Chuku m wụ Okẹn-ọmụma m hụn m'a gbaban, akpaịn m lẹ mpịn a zụọpụhanị m. Ịya wụ ebe m nọ e nwọn nchedọn.

Ẹbụ-ọma 18:46

Osolobuẹ rị ndụn! Ọjịja-mma ya rịnị Ọmụma m gbọnni! Ọghọ ya rịnị Chuku ahụn a zụọpụhanị m;

Ẹbụ-ọma 27:5

Makẹni, nsọngbu bịa, n'o chemẹghọ m imẹ Ụlọ a; n'o zuemẹghọ m imẹ Ụlọ-nsọ a, bu m che elu ọmụma jẹn elu.

Ẹbụ-ọma 40:2

Ọ dọpụha m imẹ eje-mgbumgbu hụ rị e kponi, imẹ okẹn ịkpọtọ ahụn; o bu ụkụ m che elu ọmụma, ye m ebe rị mma wuzo.

Ẹbụ-ọma 42:6

Ẹfọ arị a sụọ m ụsụọ! O mẹ m a nyanhan ị ebeni m rị, Chuku, alịnị ugu Hẹmọnụ lẹ ugu Miza rị, alịnị isi-iyi Jọdanị rị.

Ẹbụ-ọma 43:5

Obi m, kẹ ndụn rị a gụn'ị? K'ị rị e sọngbuni m? Lemẹkwọ Chuku, nị m k'a jazị a mma; ịya wụ onyẹ nzụọpụha m lẹ Chuku m.

Ẹbụ-ọma 55:5

Egun hụ a tụ m, ẹhụ hụ a ma m nni; a ma m piripiri ọda-ọda.

Ẹbụ-ọma 62:2

Ịya sụọ wụ ọmụma e che m nche lẹ onyẹ hụn a zụọpụhanị m; ịya kẹ m gbọnni: emẹhunmẹkọ m ọda.

Ẹbụ-ọma 62:6

Ịya sụọ wụ ọmụma e che m nche lẹ onyẹ a zụọpụhanị m; ịya kẹ m gbọnni: emẹhunmẹkọ m.

Ẹbụ-ọma 77:3

M nyanhan Chuku, a sụn m udẹn; a gwaghọsị m'a, ndụn a gụ m. Sẹla

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 54:11

Euu obodo hụnjungụ ẹnya, ẹbi rị a kpọ, obodo wẹ rọkọlẹni obi! M jẹnkọ nwan d'e gi ọmụma-ọma wụ tọkwọịzị tụn ị, gi ọmụma-ọma wụ safaya gbe iyetọ ị.

Luku 22:44

Ọ nọ gi okẹn-ụfụ ọ rị mẹkẹnmẹ ekpere; ọbanje ẹ nọ kẹ ẹdeke rị a tantuni.

Ditrọnọmi 4:29

Kanị, ụnụ nọ ebẹhụ chọ Osolobuẹ wụ Chuku ụnụ, ụnụ sikọ d'a hụn a, omẹni ụnụ e gighọ obi ụnụ ile lẹ umẹ-ndụn ụnụ ile chọ a.