Ẹbụ-ọma 56:4 - Ika

⁴ M k'a ja Chuku mma makẹ nkwa o kwe. Chuku kẹ m gi e dọn ẹnya; egun atụkọ m; kị ịhịan k'a s'ẹka mẹ m?!

Ẹbụ-ọma 56:4 ပူးပေါင်းရင်းမြစ်များ

Ihiẹn Mẹni Nke Ẹbụọ 20:3

Obi a nahịn Jehoshẹfatị, ọ nọ sị o k'a rịọ Osolobuẹ. Ọ nọ sị ndị Juda ile bu ọnụ.

Ihiẹn Mẹni Nke Ẹbụọ 20:4

Ndị Juda nọ zu d'a rịọ Osolobuẹ n'o yeni wẹ ẹka: eziẹ wẹ ghasọnmẹ obodo ile rị Juda bịa d'a rịọ Osolobuẹ.

Ẹbụ-ọma 118:6

Osolobuẹ rị m azụụn, egun atụkọ m; kị ịhịan k'e mẹ m?

Ẹbụ-ọma 119:160

Ihiẹn ile i ku wụ ezioku, uhi ndị ahụn ile rị mma i yi k'a rị jẹnrin ejẹn.

Ẹbụ-ọma 12:6

Ihiẹn ọwụlẹ Osolobuẹ ku wụchanrịn ihiẹn wẹ gi e dọn ẹnya; lekẹ siliva wẹ gi okẹn ọkụn chanchan, chanchan a mgbe ẹsa.

Ẹbụ-ọma 138:2

M k'e bu ihun zinmẹ ibe Ụlọ-NSỌ ị, kụ isi alị ja ẹfan ị mma, yeni ihiẹn-ọsụsụọ ị lẹ ezioku i: y'e yegụọ nwan oku i ọghọ karị ẹfan ile wẹ gi marịn ị.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Azaya 31:3

Ịhịan mmaka kẹ ndị Ijiptu ụnụ gi dọn ẹnya wụ, ẹlẹ wẹ Chuku; ẹhụ mmaka kẹ ẹshin wẹ ndị ahụn nwọn, ẹlẹ wẹ mmọn! Osolobuẹ tịnpụhụ ẹka mẹ wẹ ihiẹn, onyẹ bịa d'e ye ẹka a kpọgburu, onyẹ wẹ rị e yeni ẹka a dan, wẹ ẹbụbụọ a dangungwọn, nwụnhụn.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Jọnụ 10:35

Ọ kpọgụọ ndị ahụn wẹ zijẹnni oku Osolobuẹ mbụ ‘mmọn’ bụ w'a ra hutọ oku rị imẹ Ẹkụkwọ-nsọ,

Hibru 13:6

Ya wụ, ẹnyi k'a saẹka dụ ẹka obi, sị, “Di-nwọnni-ẹnyi wụ onyẹ e yeni m ẹka, egun atụkọ m; kị ịhịan k'a saẹka mẹ m?”

Samuẹlụ Nke Ibuzọ 30:6

Obi eruni Defidi alị kaka, makẹni ndị hụ sọnkọn'a hụ e ku oku igi ọmụma magbu ẹ — ihiẹn hụn mẹ ụmụ onyẹ-onyẹ hụ a fụ hụnyẹ akpobi. Kanị Defidi nọ gi Osolobuẹ wụ Chuku ẹ kasị enwẹn ẹ obi.