Ẹbụ-ọma 51:6 - Ika

⁶ Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Ẹbụ-ọma 51:6 ပူးပေါင်းရင်းမြစ်များ

Samuẹlụ Nke Ẹbụọ 12:13

Ya Defidi nọ sị Natanị, “E mẹọlẹ m Osolobuẹ njọ.” Natanị nọ sị, “Ẹghẹẹ, kanị Osolobuẹ a gbagharịgụọ ị njọ, isi i atọk'a.

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Jobu 32:8

Kanị, mmọn hụn rị imẹ ịhịan, uzun hụn Onyẹ Hụ Nwọn Ikẹn Ile kunye imẹ ẹ, e ye ịhịan nghọta.

Jobu 38:36

Onyẹ e mẹ obi e nwọn amamihiẹn? Onyẹ e mẹ obi e nwọn nghọta?

Ẹbụ-ọma 125:4

Osolobuẹ dodo, gi ihiẹn rị mma sọn ndị rị mma, ndị obi wẹ kụrụ ọtọ.

Ẹbụ-ọma 15:2

Onyẹ hụn e bi obibi nwọnlẹni nkọrịanị — hụn e mẹsọnmẹ ezi-omumẹ, hụn e gi akpakalị obi ẹ ile e ku ezioku;

Ẹbụ-ọma 26:2

Lele m, Osolobuẹ, dodo lele m: lele iroro m lẹ obi m —

Ẹbụ-ọma 32:5

Ya kẹ m nọ kweri gwa ị n'e mẹọlẹ m njọ; ezuemẹzinini m'ị njọ m; e sị m enwẹn m, “M jẹnkọ d'a gwaghọsị Osolobuẹ eje-ihiẹn ndị m mẹ.” Ya ị nọ gbagharị m njọ m. Sẹla

Ẹbụ-ọma 41:5

Ndị-iṅẹnrẹn m hụ e kuja oku m, a sị, “Elee mgbe kẹ ọnwụn e gidẹ nwan gbu ẹ, kẹni ẹfan a gụ?”

Ẹbụ-ọma 5:9

Ezioku arị wẹ ọnụ; ntikpọ-ntikpọ rị wẹ obi; ili rị oghe kẹ ẹkpịrị wẹ wụ — ire wẹ wụ ndufie-ndufie!

Itẹn 2:21

Makẹni ndị e dọnmẹ ẹka wẹ ọchan k'e bisọnmẹ alị; ndị nwọnlẹni nkọrịanị k'e bisọnmẹ imẹ ẹ;

Itẹn 2:6

Makẹni Osolobuẹ e ye amamihiẹn; ọnụ a kẹ ịhịan gha a marịn ihiẹn, ọnụ a kẹ nghọta gha a bịa.

Jerimaya 12:1

Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Luku 11:39

Ya kẹ Di-nwọnni-ẹnyi nọ sị a, “Lee ẹ: ụnụ ndị Itu-Farisi a chanchan azụụn mkpu lẹ afẹrẹ ụnụ, kanị ẹnya-uku lẹ eje-ihiẹn jun imẹ ụnụ.

Ndị Rom 7:22

Eziẹ, imẹ m, Iwu Osolobuẹ a sụọ m ụsụọ.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!

Pita Ibuzọ 3:4

Ka nị nị mma ụnụ wụrụ mma imẹ obi, mma ahụn ghalẹni a fapụ, mma imẹ-jụụ lẹ ịwụ-ọmẹhẹn, hụn rị mkpa ọda-ọda ẹnya Osolobuẹ.

Samuẹlụ Nke Ibuzọ 16:7

Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”