Ẹbụ-ọma 51:16 - Ika

¹⁶ Makẹni ẹlẹ ẹjan kẹ ị chọkọ, nkẹ m'a chụnyeni i ẹjan; ẹjan wẹ dụn ọkụn ara sụọ ị.

Ẹbụ-ọma 51:16 ပူးပေါင်းရင်းမြစ်များ

Samuẹlụ Nke Ẹbụọ 12:9

Kị haịn i gi lelịa oku Osolobuẹ, mẹ ihiẹn rịlẹni mma ẹnya a? Y'e gi ọpịa-agha gbu Yuria onyẹ Hẹti, weri nwunyẹ ẹ lụma. Ịyụ gbu ẹ ghahanị ọpịa-agha hụ ndị Amọnụ gi gbu ẹ.

Ẹbụ-ọma 40:6

Kẹ ẹjan kẹ oyiye onwọnni hụn ị chọ, kama y'a shịapụgụọ m ntịn nị m ghọta; kẹ ẹjan w'a dụn ọkụn kẹ ẹjan-njọ onwọnni hụn ị chọ.

Ẹbụ-ọma 50:8

Ẹlẹ ẹjan ụnụ rị a chụnyeni m kẹ m rị a jụgbọnị ụnụ, ẹlẹ ẹjan ụnụ rị a dụnnị m ọkụn ogẹn ile.

Ẹbụ-ọma 51:6

Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Ẹbụ-ọma 71:15

M k'e ku ihiẹn ile rị mma y'e mẹ uhinhin lẹ efinaị; a gba m ọrụn nzụọpụha ị rụn, ọsụọn'a nị asakọ m ẹka gbachanrịn wẹ!

Ọpụpụ 21:14

Kanị omẹni ịhịan e rotọgụ a, kpachanpụ ẹnya gbu ịhịan, ọsụọkwọn'a n'ọ gbaban ukpo nchụn-ẹjan m, ghakwọ nị ebahụn dọkpụnrụn a d'e gbu.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 21:27

Ẹjan ndị eje-omumẹ a chụn wụ arụ ẹnya Osolobuẹ — ọrịwụzị hụn wẹ bu eje-ihiẹn obi wẹhẹ!

Jerimaya 7:27

“I k'a gwachanrịn wẹ ihiẹnni, kanị ẹlẹ wẹ k'e gọnkwọ tan ntịn; ị hị wẹ, ẹlẹ wẹ k'a za.

Hosia 6:6

M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Ọgụngụn 15:27

“Kanị omẹni onyẹ ohu sụọ rọ, o k'e wẹhẹ onyẹnnyẹ-ewu ahụa ohu d'e gi chụn ẹjan-njọ.

Ọgụngụn 35:31

“Anịlẹ ni wẹ gi ihiẹn ọwụlẹ gbarị ndụn izighẹ wẹ magụ ikpe ọnwụn; wẹ k'e gburịrị a.

Ditrọnọmi 22:22

Omẹni wẹ nwụn okẹnnyẹ ebe ya lẹ nwunyẹ ịhịan rị a ranhịn, wẹ ẹbụbụọ sikọ d'a nwụnrịrị: kẹ okẹnnyẹ sọnn'ẹ ranhịn kẹ okpoho hụ lẹ enwẹn ẹ, ụnụ e gi ẹ wepụkwama eje-ihiẹnni imẹ Izrẹlụ.

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.