Ẹnwụnrụn jun Ugu-Saịnaị, makẹni Osolobuẹ gi ọkụn hidanye ẹ. Ẹnwụnrụn ahụn hụ a lọshi elu rịkẹ ẹnwụnrụn ẹgboko wẹ rị e yi ọkụn; ugu ahụn hụ e zinzin ọda-ọda,
Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”
E lee m ẹnya, m nọ hụn okẹn ufere gha ẹbamịn-ugu kpọla lẹ okẹn orukpu. Ọkụn hụ a gha imẹ orukpu hụ e nwunpụha, ukpẹ hụ e nwunhunmẹ ẹ. Ihiẹn nọ kẹ igwe rị e be nwanran-nwanran hụ etintinnaị ọkụn hụ.
Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.
“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.
Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”