Ẹbụ-ọma 5:4 - Ika

⁴ Makẹni, y'ẹlẹ Chuku hụn njọ a sụọ ụsụọ, onyẹ-njọ asakọ ẹka sọn i nọdị.

Ẹbụ-ọma 5:4 ပူးပေါင်းရင်းမြစ်များ

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Ẹbụ-ọma 101:7

Onwọnni onyẹ ghalẹni e ku ezioku k'e bi iwe m; onyẹ-ntụ agbọrịkọ ihun m.

Ẹbụ-ọma 11:5

Osolobuẹ hụ e kweni onyẹ ezi-omumẹ isi, kanị ize onyẹ-njọ hụ e ze ẹ ọda-ọda, ize onyẹ ẹka-ikẹn a sụọ hụzị e ze ẹ ọda-ọda.

Ẹbụ-ọma 140:13

Ẹghẹẹ, ndị ezi-omumẹ k'a ja ẹfan ị mma; ndị obibi wẹ kụrụ ọtọ k'e bi ebe ị rị.

Ẹbụ-ọma 50:21

Ụnụ hụ e mẹ ihiẹn ndịnị ile, a gba m ụnụ nkịtịn, ụnụ hụ e ro nị m nọhụ kẹ ụnụ. Kanị m rị nwan a jụgbọ ụnụ, m rị nwan a gwapụ ụnụ ihiẹn ụnụ mẹ.

Ẹbụ-ọma 63:2

A hụnọlẹ m'i imẹ Ụlọ-nsọ ị, hụn ikẹn i lẹ ọghọ ị.

Ẹbụ-ọma 88:14

Euu Osolobuẹ, k'ị jụnị m nwan? K'i bupụnị m nwan ihun?

Ẹbụ-ọma 92:15

a ghọsị nị Osolobuẹ wụ onyẹ kụrụ ọtọ, Ọmụma hụn e che m nche, ghalẹni e mẹ ịhịan njọ.

Ẹbụ-ọma 94:20

Elee hụn biri yụ lẹ ndị eje-ọkịkị, ndị gi iwu wẹ rị e ti e mẹ eje-ihiẹn?

Habakọkụ 1:13

Ịyụ, hụn rịkẹnmẹ ọchan, hụn ghalẹni e gi ẹnya e legha eje-ihiẹn, onyẹ ghalẹni e gi ihiẹn furulẹni e mẹ ẹhụ. K'ị shịapụnị nwan ẹnya e lee ndị ghẹrẹ-ghẹrẹ-ghẹrẹ? K'ị gbanị nwan nkịtịn eje-ndị hụ e luepụ ndị ka wẹ mma?

Malakaị 2:17

Ụnụ e kusọnmẹ ihiẹn ndụn ụnụ gi a gụ Osolobuẹ. Kanị ụnụ sị, “Nanị kẹ ẹnyi dọn ku ndụn-ọgụgụ ye ẹ obi?” Ụnụ a sị, “Ndị ile e mẹ eje-ihiẹn wụ ezigbo ịhịan ẹnya Osolobuẹ; ihiẹn wẹ a sụọd'a a sụọ,” mọbụ “Elebe kẹ Osolobuẹ hụn a han ezigbo eṅẹn rị?”

Jọnụ 14:23

Jesu nọ za a, “Onyẹ ọwụlẹ ihiẹn m a sụọ jẹnkọ d'e mẹ ihiẹn m ku. Ihiẹn ẹ k'a gha a sụọ Nẹdi m, mmẹ lẹ Nẹdi m a bịa d'e kunrun ẹ, du ẹ biri.

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.

Pita Nke Ẹbụọ 3:13

Kanị, ẹnyi rị a tụ ẹnya igwere ọhụn lẹ ụwa ọhụn Osolobuẹ kwe nkwa a — ebe ihiẹn ile rị ọchan jẹnkọ d'e bi.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.