Ẹbụ-ọma 47:8 - Ika

⁸ Chuku wụ eze alị ile rị ichẹn-ichẹn; Chuku nọdị alị elu ukpo ẹ rị nsọ.

Ẹbụ-ọma 47:8 ပူးပေါင်းရင်းမြစ်များ

Ihiẹn Mẹni Nke Ibuzọ 16:31

Elu-igwere ya ghọghọma; ẹfọ ya sụọma elu-ụwa ụsụọ; wẹ ku ẹ alị ile nị “Osolobuẹ rị a kị!”

Ẹbụ-ọma 110:6

O k'e ye alị ndị ọzọ afụnfụn njọ wẹ, gbu ozun jun alị wẹ; o k'a kụkpọ isi bu ọda imẹ alị ile.

Ẹbụ-ọma 48:1

Osolobuẹ e hikẹ ogbe, o furu hụn w'a ja mma ọda-ọda imẹ obodo Chuku ẹnyi, elu Ugu ẹ rị nsọ wụ Zayọnụ.

Ẹbụ-ọma 89:14

Imẹ ihiẹn rị mma lẹ imẹ ịhịan k'o furu wụ ikẹn ukpo-eze i; imẹ hụn run'i lẹ ịwụ onyẹ wẹ e gi dọn ẹnya a kwanị ị ụzọ.

Ẹbụ-ọma 9:4

Y'a ghọsịgụọ n'o nwọnni ihiẹn m mẹ, y'a ghagụọ ukpo-eze i han ezigbo eṅẹn.

Ẹbụ-ọma 93:1

Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

Ẹbụ-ọma 94:20

Elee hụn biri yụ lẹ ndị eje-ọkịkị, ndị gi iwu wẹ rị e ti e mẹ eje-ihiẹn?

Ẹbụ-ọma 96:10

Sị nị alị ndị ọzọ, “Osolobuẹ wụ eze!” Ụwa hụ ebe o butọ a, o mẹhunmẹkọ; Osolobuẹ ka hannị alị ile ezigbo eṅẹn.

Ẹbụ-ọma 97:1

Osolobuẹ wụ eze; elu-ụwa ya ghọghọma! Alị ndị rịkwọrị mkpẹnrẹn-ohimin wẹ ghọghọma!

Ẹbụ-ọma 99:1

Osolobuẹ wụ eze, egun ya tụma alị ile! Ọ rị ukpo-eze ẹ elu chẹrobu ndị ahụn nwọn nku, alị ya zinzinmẹ!

Ẹbụ-ọma 99:2

Osolobuẹ wụ okẹn-ịhịan imẹ Zayọnụ; ịya kazịkwọ ndị alị ọzọ ile.

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Rẹvẹleshọnụ 19:6

Ya m nọ nụ okẹn olu hụn nọ kẹ olu igunrun hi-ogbe, nọkẹ nke okẹn mirin rị e huni, okẹn akpara, ọ hụ a sị, “Ịja-mma ya rịnị Osolobuẹ — makẹni Di-nwọnni-ẹnyi wụ Osolobuẹ ẹnyi, onyẹ hụn nwọn ikẹn ile, rị a kị!

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.