Ẹbụ-ọma 45:4 - Ika

⁴ Gi ọghọ-nze lẹ anyịnyan ị jẹnmẹ d'e mẹrisọnmẹ; d'a kwadọn ezioku lẹ iwelụa-enwẹn alị lẹ ezi-omumẹ; ẹka-nni i ya kpasọnmẹn'i ikẹn!

Ẹbụ-ọma 45:4 ပူးပေါင်းရင်းမြစ်များ

Ẹbụ-ọma 2:9

I k'e gi ẹka ze kẹ ọkpọ-igwe kị wẹ, tikpọ wẹ rịkẹ ite-ụrụa.’ ”

Ẹbụ-ọma 60:4

Kanị y'a ghọsịgụọ ndị a tụ egun i ahịma w'e gi dọn ẹnya. Sẹla

Ẹbụ-ọma 65:5

Chuku hụn a zụọpụhanị ẹnyi! Y'a rụnsọnmẹ ihiẹn bu ọda a tụ ẹnya i gi a ghọsị ẹnyi n'ị hụ a; ịyụ kẹ elu-ụwa ile rị e lee ẹnya, kẹ ndị rị nfetu ohimin tegbu enwẹn ẹ.

Azaya 11:5

Ezi-omumẹ k'a wụ akpụkpọ-ukun ẹ, ịwụ onyẹ wẹ gi e dọn ẹnya a wụrụ nfifie o kẹnmẹ ukun.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Matiu 11:29

Yiri ni agbụn yoku m, ụnụ a mụnarịn m; makẹni, m rị jụụ, e welụa enwẹn m alị imẹ obi. Ụnụ mẹ ẹ, umẹ-ndụn ụnụ e nwọnrin ezumikẹn.

Luku 19:27

Nke ndị iṅẹnrẹn m ahụn chọlẹni nị m wụrụ eze wẹ, wẹhẹ ni wẹ d'e gbu idẹnya m ebeni.’ ”

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Ndị Kọrẹntị Nke Ẹbụọ 10:1

Mmẹ wụ Pọlụ rị a rịọ ụnụ; m rị e gi nwayọ lẹ obi-ebere Kraịstị a rịọ ụnụ. Mmẹ hụn wẹ sị nị m'e ku ẹkẹrẹ-ẹkẹrẹ ihun ụnụ, kanị m pụ ebe ụnụ rị, a banmanị m ụnụ mban!

Ndị Tẹsalonika Ibuzọ 1:5

Makẹni, oziọma ẹnyi zi ụnụ ẹlẹ oku-ọnụ sụọ, kama, o gizi ikẹn lẹ ihiẹn Mmọn-nsọ e mẹ bịanị ụnụ; ọ nọ ruchanrịn ụnụ akpakalị obi, wechanrịn ụnụ ẹnya nị ezioku k'ọ wụ; ụnụ a marịnzịghọ kẹ ẹnyi dọn bi imẹ igunrun ụnụ kẹni ọ rịnị ụnụ mma.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Ndị Tẹsalonika Nke Ẹbụọ 3:1

Umunẹ, nke ikpanzụụn rịn'a wụ ọnwan: e mẹni ni ẹnyi ekpere, nị oku Di-nwọnni-ẹnyi hụn ụzọ ghagbarị ẹgwa; ni w'a gbaye ẹ ebe ile kẹ ụnụ dọn mẹ imẹ igunrun ụnụ.

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 6:2

M nọ lee ẹnya, e lee ẹshin ọchan! Onyẹ rị e nyinn'ẹ gi ụtaa. Wẹ nọ ye ẹ okpu-eze, ọ nọ nyinrin ẹshin ẹ pụ d'e mẹrisọnmẹ agha.