Ẹbụ-ọma 45:2 - Ika

² Ịyụ kachanrịn ikẹnnyẹ ile okorọbịa e pu! Oku ọnụ ị a rịka mma — ya wụnị Chuku a gọzigụọ ị jẹnrin ejẹn!

Ẹbụ-ọma 45:2 ပူးပေါင်းရင်းမြစ်များ

Ẹbụ-ọma 21:6

Y'a gọzigụọ a ngọzi k'a rị jẹnrin ejẹn, mẹ ẹ a ghọghọ ọghọghọ onyẹ hụn ị nọyeni.

Itẹn 22:11

Onyẹ ezioku a sụọ k'a wụrụ ọwụ eze yeni oku rị mma a gha a ọnụ a pụha.

Itẹn 5:2

kẹni i marịn gi ezigbo uche e bi, kẹni oku-ọnụ ị wụrụ nke onyẹ marịn ihiẹn.

Ẹbụ Solomọnụ 2:3

Kẹ osisi apụlụ dọn rị ichẹn imẹ osisi ndị rị ẹgboko, ẹrịra kẹ Nke-m nọ imẹ igunrun ikorọbịa ibe ẹ. Ọ sụọ m ịnọdị igungun ẹ; mkpụrụ a asụọka m ọnụ.

Azaya 33:17

Ẹnya ụnụ k'a hụn eze lẹ ọghọ a, hụnzị alịnị k'ọ shịawaye ẹfọ.

Azaya 50:4

Di-nwọnni-ẹnyi wụ Osolobuẹ e yegụọ m ire onyẹ wẹ zụn hụn m gi a marịn oku m'e gi gba onyẹ ndụn gụ umẹ. Ụtụntụn ọwụlẹ k'o gi a kpọtiẹn m, a shịapụ ntịn m — kẹni m gọn ntịn kẹ onyẹ wẹ rị a kuzi ihiẹn.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Zẹkaraya 9:17

Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Matiu 17:2

Ya Jizọsị nọ nọ idẹnya wẹ nwọnhutọ: ihun ẹ e nwunmẹ kẹ ẹnyanwụn, ẹwuru ẹ hụ e gbukepụ kẹ ukpẹ.

Luku 4:22

Wẹ ile hụ e ku oku ẹ ọhụnma, oku-ọnụ a hụ a tụ wẹ ẹnya. Wẹ nọ sị, “Onyẹni ẹlẹ nwa Josẹfụ?”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 7:46

Ndị ụlakpa Ụlọ-nsọ hụ nọ sị, “Onwọnni onyẹ kutu oku kẹ okẹnnyẹ hụ!”

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.