Ẹbụ-ọma 42:2 - Ika

² Ẹgụn Chuku rị a gụn m kẹ mirin, ẹgụn Chuku hụn rị ndụn rị a gụn m! Elee mgbe m'e gi jẹn ihun ẹ d'e fe ẹ?

Ẹbụ-ọma 42:2 ပူးပေါင်းရင်းမြစ်များ

Jobu 23:3

Omẹni m te marịn nwan ebe m'a nọ hụn Chuku; omẹni m te k'a s'ẹka jẹn ebe o bi!

Ẹbụ-ọma 27:4

Ihiẹn ohu kẹ m'a rịọ Osolobuẹ, ịya kẹ m'a chọkẹnmẹ: ibiri imẹ Ụlọ Osolobuẹ ndụn m ile: e lee kẹ Osolobuẹ mahan mma, a nọ Ụlọ-NSỌ a e ro ẹ, e fe ẹ.

Ẹbụ-ọma 43:4

Ogẹn ahụn, e shi m ukpo wẹ n'a chụnyeni Chuku ẹjan; e jẹnburu m Chuku hụn wụ okẹn ịghọghọ m; e gi m ụbọ bụn'ị ẹbụ ọjịja-mma — Chuku, Chuku m!

Ẹbụ-ọma 63:1

Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!

Ẹbụ-ọma 63:3

Makẹni ihiẹn-ọsụsụọ ị ka mma karị ndụn lẹ enwẹn ẹ, ọnụ m k'a ja ị mma.

Ẹbụ-ọma 84:10

Akpọhịn ohu ezi-ọgwa ị ka mma karị akpọhịn nnụ-uku ebe ọzọ; iwuzo ọnụmụzọ Ụlọ Chuku m ka mma karị ibi ụlọ ndị wẹ nọ e mẹ eje-ihiẹn.

Ẹbụ-ọma 84:2

Ọ hụ a da m, a da m ọda-ọda, nị m banye ezi-ọgwa Osolobuẹ! Kẹ obi m kẹ ẹhụ m rị a bụnị Chuku rị ndụn ẹbụ ịghọghọ!

Ẹbụ-ọma 84:4

Ngọzi wụ nke ndị bi Ụlọ-nsọ ị, a ja ị mma ogẹn ile! Sẹla

Ẹbụ-ọma 84:7

Wẹ k'a rị e nwọnwaye ikẹn, e we wẹ ru ihun Chuku imẹ Zayọnụ.

Ọpụpụ 23:17

“Mgbe ẹtọ ahụa kẹ ikẹnnyẹ ụnụ ile k'a gha a zu ihun Osolobuẹ, Onyẹ nwọn ihiẹn ile.

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Jọnụ 5:26

Kẹ Chuku-Nẹdi dọn nwọn ndụn imẹ enwẹn ẹ, ẹrịra k'o dọnzikwọ ye Nwa ikẹn o gi e nwọn ndụn imẹ enwẹn ẹ.

Jọnụ 7:37

Ụhụọhịn ikpanzụụn mmẹmmẹ hụ, hụn wụ ụhụọhịn kachanrịn mkpa, Jesu nọ wuzo ọtọ, yi, “Onyẹ ẹgụn mirin rị a gụn, ya bịa d'e kunrun m n'ọ ra!

Ndị Tẹsalonika Ibuzọ 1:9

Makẹni, wẹ hụ e ku oku ẹnyi — kẹ ụnụ dọn nabanhan ẹnyi ọhụnma-ọhụnma lẹzi kẹ ụnụ dọn febehi mmọn, femẹ ezigbo Osolobuẹ rị ndụn,

Joshụa 3:10

Ọnwan kẹ ụnụ e gi marịn nị Osolobuẹ rị ndụn rị imẹ igunrun ụnụ, marịn n'o k'a chụpụrịrịnị ụnụ ndị Kenaanị lẹ ndị Hẹti lẹ ndị Hivu lẹ ndị Pẹrẹzi lẹ ndị Gẹgashị lẹ ndị Amọ lẹ ndị Jebusu.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.