Ẹbụ-ọma 40:5 - Ika

⁵ Osolobuẹ wụ Chuku m — y'a rụnọlẹ ihiẹn a tụ ẹnya bu ọda i rotọnị ẹnyi; onwọnni onyẹ nọ kẹ ịyụ; m sị nị m gbama wẹ, wẹ k'a karị ẹka.

Ẹbụ-ọma 40:5 ပူးပေါင်းရင်းမြစ်များ

Jobu 26:14

Ndịnị ile wụdẹ nwan ẹkẹrẹ ihiẹn ẹka a; ẹkẹrẹ sụọ kẹ ẹnyi a nụdẹ ukwere ẹ! Onyẹ k'a sa nwan ẹka ghọtachanrịn ikẹn ẹ hụn nọ kẹ akpabọ?!”

Jobu 5:9

Ọ rụnsọnmẹ ihiẹn a tụ ẹnya, hụn wẹ ghalẹni asẹka a ghọta ọrụn-atụmẹnya wẹ ghalẹni as'ẹka a gụngụ.

Jobu 9:10

Chuku e mẹsọnmẹ ahụnlele wẹ ghalẹni as'ẹka a ghọta, ọrụn atụmẹnya wẹ ghalẹni a s'ẹka a gụnmarịn.

Ẹbụ-ọma 136:4

Kpanmịn nị Onyẹ ahụn ya sụọ a rụn okẹn ọrụn-atụmẹnya, makẹni ihiẹn-ọsụsụọ a rị jẹnrin ejẹn.

Ẹbụ-ọma 139:6

Ọmarịnnị ị marịn m e mikẹ, karị m ẹka; ọ nịnị m ghọta kaka!

Ẹbụ-ọma 71:15

M k'e ku ihiẹn ile rị mma y'e mẹ uhinhin lẹ efinaị; a gba m ọrụn nzụọpụha ị rụn, ọsụọn'a nị asakọ m ẹka gbachanrịn wẹ!

Ẹbụ-ọma 73:28

O mẹ nke m, ọ rịka mma nị m nọkunmẹ Chuku; e gbọnni m'i, Osolobuẹ wụ Chuku; m k'e kusọnmẹ ihiẹn ile ị rụn!

Ẹbụ-ọma 92:5

Euu Osolobuẹ, ọrụn ẹka ị e hikẹ ogbe! Iroro i e mikẹ!

Ọpụpụ 11:8

Ịhaịmẹ i ndịnị ile jẹnkọ d'a bịa d'e kunrun mmẹ wụ Mozizi, gbu osekpu, sị ‘Jẹnmẹ nwan, ịyụ lẹ ndị sọnkọn'ị.’ O mẹgụ ẹrịra, a pụ m nwan alịnị.” Ya kẹ Mozizi nọ gi okẹn olulu pụ ebẹhụ eze wụ Fẹro rị.

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Jerimaya 29:11

Makẹni, a marịnghọ m ihiẹn m bu obi banyeni ụnụ: ihiẹn rị mma rọ, ẹlẹ eje-ihiẹn, k'o dọn rịnị ụnụ mma ihun, kẹ ụnụ a dọn nwọn olilẹnya. Ya kẹ Osolobuẹ ku.