1 E din m ndidin cheri Osolobuẹ, ọ nọ gọn m ntịn, nụ ẹkwan m.
Makẹni o gọngụọ m ntịn, m k'a gha a kpọku ẹ, e we m nwụn!
Dodo Di-nwọnni-ẹnyi, nụ olu m! Gọn ntịn arịrịọ m rị a rịọ ị!
Ẹnya Osolobuẹ rị ebe ndị ezi-omumẹ rị, ntịn a rị ẹkwan wẹ;
La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ.
Chuku, dodo, gọn ntịn n'ị nụ; lee ẹnya n'ị hụn kẹ obodo hụn rị a za Ẹfan ị mẹ nwan mkpọkọ-mkpọkọ. Ẹlẹni ẹnyi wụ ndị ezi-omumẹ haịn ẹnyi gi a rịọ ị, kanị ufiri okẹn omikẹn i.
