Ẹbụ-ọma 4:6 - Ika

⁶ Ndị bu ọda e mẹ ekpere, a sị, “Euu, onyẹ jẹnkọ d'e mẹ elu rịzịnị ẹnyi mma? Osolobuẹ, dodo gi ẹnya rị mma lee ẹnyi!”

Ẹbụ-ọma 4:6 ပူးပေါင်းရင်းမြစ်များ

Ẹbụ-ọma 119:135

Gi ẹnya rị mma lee odibo i, y'a kuzi m iwu i.

Ẹbụ-ọma 21:6

Y'a gọzigụọ a ngọzi k'a rị jẹnrin ejẹn, mẹ ẹ a ghọghọ ọghọghọ onyẹ hụn ị nọyeni.

Ẹbụ-ọma 39:6

Ịhịan wụhụ onyinyọn mmaka; ọlụkpọ a ile wụ ihiẹn mmaka; ọ kpatọ akụ-lẹ-ụba bụ ọ marịn onyẹ k'e nwọnrinn'ẹ.

Ẹbụ-ọma 42:5

Obi m, kẹ ndụn rị a gụn'ị? K'ị rị e sọngbuni m? Lemẹkwọ Chuku, nị m sikọ d'a jazị a mma; ịya wụ onyẹ e yeni m ẹka; ịya wụ Chuku m.

Ẹbụ-ọma 44:3

Ẹlẹkwọ ọpịa-agha wẹ kẹ ndị nke i gi weri alị ahụn; ẹlẹ ikẹn wẹ kẹ wẹ gi mẹri! Ikẹn i lẹ akwanran ị lẹ ẹnya rị mma i gi e lee wẹ haịn, makẹni ị chọ nị i mẹni wẹ ọhụnma.

Ẹbụ-ọma 67:1

Chuku ya dodo mẹni ẹnyi omikẹn; ya gọzi ẹnyi; ya gi ẹnya ọma lee ẹnyi. Sẹla

Ẹbụ-ọma 80:19

Osolobuẹ, Chuku ihiẹn ile rị okpuru ẹ, dodo dọnzini ẹnyi ihiẹn; gizi ẹnya rị mma lemẹ ẹnyi kẹni ẹnyi nwọn nzụọpụha!!

Ẹbụ-ọma 80:7

Chuku Ihiẹn Ile rị okpuru ẹ, dodo dọnzini ẹnyi ihiẹn; Gizi ẹnya rị mma lee ẹnyi nị ẹnyi nwọn nzụọpụha!!

Ẹbụ-ọma 89:15

Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya!

Azaya 55:2

Kị ụnụ rị e tuhuni egho e ṅọn ihiẹn wụlẹni ihiẹn-oriri, a rụngbu enwẹn ụnụ yeni ihiẹn ghalẹni e jun ẹfọ? Gọn m ntịn ọhụnma-ọhụnma, n'ị hụn ụzọ ri ihiẹn rị mma, ezigbo ihiẹn-oriri hụn jẹnkọ d'a rịchanrịn ị mma.

Malakaị 3:3

O k'e mẹ kẹ onyẹ e gi ọkụn a dụnchanpụ nsịn siliva e wepụha ezigbo siliva, o wepụ ebọn Livaị unyin kẹ wẹ e wepụ unyin rị goru lẹ siliva, a wụrụ wẹ nke Osolobuẹ, a sa ẹka a chụn ẹjan hụn Osolobuẹ a narịn.

Ọgụngụn 6:26

Osolobuẹ ya lee ụnụ ẹnya ihun, ye ụnụ udọn.’

Luku 12:19

Ogẹn hụ, m k'a sị enwẹn m, “Enwẹn m, y'e nwọngụọ ihiẹn ọda-ọda, o k'e zu i ahụa ole-lẹ-ole lalanị! Eyezilẹ enwẹn i nsọngbu! Ri! Ra! Rimẹ ụwa!” ’

Luku 16:19

“O nwọn ọdanfịn ohu, hụn e kẹn ekikẹn ọdanfịn, e ri kẹ eze ụhụọhịn ile.

Ditrọnọmi 33:19

Wẹ k'a kpọgbama ndị alị ichẹn-ichẹn ye elu ugu, nọ ebahụn chụnyesọnmẹ ẹjan rị mma ẹnya Osolobuẹ; wẹ k'e ri ihiẹn ndị ahụn bu ọda ohimin e ye, ihiẹn w'a chọ achọ hụn jun mkpẹnrẹn ohimin.”

Jemisi 4:13

Lee ni ẹnya, ụnụ ndị a sị, “Tannị mọbụ ekile, ẹnyi k'e jẹn alịnị mọbụ alị nẹi; ẹnyi k'a nọ ahụa ebẹhụ, zụ afịa, kpa egho,”