10 Obi m hụ a dụ kpum-kpum, ndụn hụ a gụ m; ẹnya e mẹ m hịọ.
Ẹnya e mẹ m bii m gi e lee ẹnya nzụọpụha ị, m gi e lee ẹnya n'i mẹzu nkwa hụ wẹ gi e dọn ẹnya hụn i kwe.
M'e d'a nwụn yeni ẹkwan; m'e d'a nwụnchu yeni ẹkwan; njọ m mẹ a gụchanrịngụọ m ndụn, gụ m ndụn d'e rudẹ imẹ ọkpụkpụ.
Kẹ mirin iyi rị e huni dọn a gụn ele, ẹrịra kẹ y'a gụn m, Chuku!
A kwankpọgụọ m ẹnya ẹbụbụọ, ndụn a gụ wẹ yeni ndị-iṅẹnrẹn m.
A kwangbugụọ m enwẹn m, olu a gwọ m. Ẹnya m ẹbụbụọ a changụọ m gi rị e che Chuku m n'o yeni m ẹka.
Ẹnya e mẹ m bishi-bishi yeni afụnfụn m rị a ta. Dodo Osolobuẹ, ụhụọhịn ile kẹ m gi a kịshi ẹka elu, a rịọ ị!
Obi a nahịn m; ẹhụ a magbu m nni yeni egun; ẹnyasị nwẹn m chọkọ e họnringụọ m nwan ihiẹn egun.
Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.
