4 Bụnị nị Osolobuẹ ẹbụ, ụnụ ndị nsọ a; ja nị ẹfan nsọ a mma.
Ọ nọ tumẹ ndị Livaị jẹnkọ d'a gha a nọdị ihun Ẹkpẹti Osolobuẹ a rụn ọrụn, a rịọ Osolobuẹ, e ye ẹ ekele, a ja Osolobuẹ wụ Chuku Izrẹlụ mma:
o zi oku-ọnụ a, gi ẹ gwọ wẹ ọrịa, zụọpụha wẹ ẹka ọnwụn.
Ndị nchụn-ẹjan i wẹ yiri ezi-omumẹ rịkẹ ẹwuru; ndị nsọ ị wẹ yi oro ịghọghọ.
O wepụhagụọnị ndị nke ẹ mpịn hụn a lụnị wẹ ọgụn, ihiẹn wẹ gi ye ndị e mẹ uche ẹ ọghọ, ndị Izrẹlụ, ndị ahụn nọkunmẹn'ẹ. Ja nị Osolobuẹ mma!
Ịyụ kẹ m rị a kpọku, Osolobuẹ; Ọmụma m gi dọn ẹnya! Agbakwọlẹ m nkịtịn. Nị ị gbakwọ m nkịtịn, e sọn m ndị nwụnnị la imẹ ili.
A ghọghọ nị imẹ Osolobuẹ, e nwọn anwịnrịn, ụnụ ndị e feshi Osolobuẹ ikẹn; e yi ni oro ịghọghọ, ụnụ ile obi wẹ rị ọchan.
Ọ sị, “Wẹhẹ ni ni m ndị nke m, ndị mmẹ lẹ wẹ mẹmẹ nkwerigbama, chụnye ẹjan wẹ gi biye ẹ ẹka!”
Makẹni y'a ghọsịọlẹ m ihiẹn-ọsụsụọ ọda-ọda! Y'a zụọpụhagụọ m alị-mmọn migbu enwẹn ẹ.
Ndị ezi-omumẹ, gi ni ufiri Osolobuẹ ghọghọma; a nyanhan nị k'ọ rịhan nsọ, a kpanmịn a.
“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?
Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”
Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”
Osolobuẹ nwọn e gbu, e ye ndụn; ịya e wetu ịhịan we ẹ che alị-mmọn, ịya e weli ịhịan.
