4 Osolobuẹ kẹ m'a kpọku, ọ gha Ugu nsọ a za m. Sẹla
Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”
Ịyụ wụ ebe m'a warị lẹ akpaịn m gi e che ẹhụ, ihiẹn i ku kẹ m gi rị dọn ẹnya.
Ogẹn m gi kpọku i, y'a zaghọ m, bu ndụn che m obi.
Kẹ m kpọku Osolobuẹ, onyẹ ahụn furu w'a ja mma, ọ zụọpụha m ẹka ndị-iṅẹnrẹn m.
“E tumẹgụọ m eze m elu ugu Zayọnụ, Ugu nsọ m!!”
O weshi m elu karị ndị-iṅẹnrẹn m fihunmẹni m, a nọ m Ụlọ-nsọ a gi oro ịghọghọ chụnyen'ẹ ẹjan; a bụnị m Osolobuẹ ẹbụ, kpọn'a egu.
Osolobuẹ wụ ikẹn m lẹ akpaịn m; Ịya k'e obi gi e ru m alị, o yeni m ẹka. Obi m hụ a tụshi elu, a ghọghọ, m hụ e gi ẹbụ a kpanmịn a.
M kpọku Osolobuẹ, ọ za m — ọ gbapụha m imẹ ihiẹn ile te rị a tụ m egun.
Ogbẹnnyẹni a hịghọ, Osolobuẹ nọ za a; ọ zụọpụha a imẹ nsọngbu ẹ ile.
Dodo, zihẹ ukpẹ i lẹ ezioku i; wẹ dumẹ m, wẹ duhẹ m Ugu nsọ ị lẹ ebe i bi.
kpọku m ogẹn nsọngbu, m k'a zụọpụha ị, y'a ja m mma.
Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla
Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!
Ya kẹ ị gwa ndị nke i imẹ ọhụn, sị, “E yegụọnị m odogun-agha ohu ẹka gbọrị; e bushigụọ m onyẹ ohu m họrị imẹ ndị alịnị elu.
O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.
Bushi ni Osolobuẹ wụ Chuku ẹnyi elu; fe n'ẹ ofufe elu Ugu nsọ a makẹni Osolobuẹ wụ Chuku ẹnyi rị nsọ.
Osolobuẹ dọnmẹni onyẹ kụrụ ọtọ amamihiẹn ihiẹn gi a ghan'a, ịya wụzịkwọ akpaịn ndị e dọnmẹ ẹka wẹ ọchan gi e che ẹhụ.
Wẹ gini d'a kpọku m, a za m wẹ; wẹ gini d'a rịọgụ, a nụgụọ m ekpere wẹ.
Ị nọ nụ arịrịọ m kẹ m sị ị, “Dodo, agbakwọlẹ m nkịtịn ẹkwan m rị a kwan n'i yeni m ẹka.”
“Rịọ nị, wẹ sikọ d'e ye ụnụ; chọ nị, ụnụ k'a hụn; dụ nị ẹka, wẹ k'a kpọpụnị ụnụ ụzọ.
Onyẹ nwọn nsọngbu imẹ ụnụ? Ya mẹ ekpere. Onyẹ kẹ ẹfọ rị a sụọ ụsụọ? Ya bụma ẹbụ ịja-mma.
