Ẹbụ-ọma 27:9 - Ika

⁹ dodo, ezuemẹlẹ ni m ihun i! Egikwọlẹ olulu chụpụ odibo i, nị ịyụ e yeni m ẹka. Dodo, ajụlẹ m mọbụ la m tọ, Chuku hụn a zụọpụhanị m.

Ẹbụ-ọma 27:9 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ẹbụ-ọma 102:2

Agbakịtọkwọlẹ m azụụn ogẹn nsọngbu; dodo, gọn m ntịn; m kpọku i hụ, dodo zakẹnrin m!

Ẹbụ-ọma 102:3

M hụ a la kẹ ebe ẹnwụnrụn rị a lọpụ; ọkpụkpụ hụ e nwun m ọkụn lekẹ sị wẹ fiye ẹ ọkụn.

Ẹbụ-ọma 119:121

E mẹgụọ m ihiẹn rị mma lẹ ihiẹn furuni; dodo, ajụkwọlẹ m tọnị ndị rị a bịangbuni m.

Ẹbụ-ọma 13:1

Euu Osolobuẹ, elee mgbe k'i k'a zọbehi m? N'ị zọ m jẹnrin ejẹn? Elee ogẹn kẹ y'e zuemẹbehini m enwẹn i?

Ẹbụ-ọma 143:7

Osolobuẹ dodo zakẹnrin m, nị ndụn a gụgụọ m. Efepụkwọlẹ m ẹnya, amamgbe m'a laburu ndị rị imẹ ili.

Ẹbụ-ọma 24:5

O k'a narịn ngọzi ẹka Osolobuẹ, Chuku hụn wụ Onyẹ-nzụọpụha a k'e kun'ẹ ọhụnma.

Ẹbụ-ọma 44:24

K'ị rị e bupụnị ẹnyi ihun? Kị haịn i gi zọ afụnfụn ẹnyi rị a ta lẹ nsọngbu ẹnyi rị imẹ ẹ?!

Ẹbụ-ọma 51:11

Achụpụlẹ m ebe ị rị; ewepụlẹ Mmọn-nsọ ị imẹ m.

Ẹbụ-ọma 69:17

Ebupụlẹ odibo i ihun, nị m rị imẹ nsọngbu — dodo, zakẹnrin m!

Ẹbụ-ọma 69:18

Nọzụhan n'ị gbapụha m! D'a gbapụha m ẹka ndị-iṅẹnrẹn m.

Ẹbụ-ọma 88:1

Dodo Osolobuẹ, Chuku hụn a zụọpụhanị m, m hụ a kwan, a kpọku i efinnaị ile, a bịazị ihun i uhinhin!

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Azaya 59:2

Njọ ụnụ e kebegụọ ụnụ lẹ Chuku ụnụ; njọ ụnụ haịn o gi bupụ ụnụ ẹnya, ya haịn o gilẹni e gọn ụnụ ntịn.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Hibru 13:5

Anịkwọlẹ ni egho a sụọ ụnụ; a nị nị ihiẹn ụnụ nwọn e jun ụnụ ẹfọ. Makẹni, Osolobuẹ e kuọlẹ, sị, “Ahapụkọ m ụnụ; alakọ m ụnụ tọ.”

Samuẹlụ Nke Ibuzọ 7:12

Ya Samuẹlụ nọ buru ọmụma ohu zumẹ ẹgbata obodo Mizpa lẹ Shẹni. Ọ nọ gụn a “Ebeniza”, hụn wụ “Ọmụma Eyemẹka” — makẹni ọ sị, “Osolobuẹ eyeọlẹ ni ẹnyi ẹka d'e rukwọ ogẹnni!”