Ẹbụ-ọma 27:6 - Ika

⁶ O weshi m elu karị ndị-iṅẹnrẹn m fihunmẹni m, a nọ m Ụlọ-nsọ a gi oro ịghọghọ chụnyen'ẹ ẹjan; a bụnị m Osolobuẹ ẹbụ, kpọn'a egu.

Ẹbụ-ọma 27:6 ပူးပေါင်းရင်းမြစ်များ

Jẹnẹsisi 40:13

Akp'ọhịn ẹtọ tannị, Fẹro jẹnkọ d'e wepụha ị, wekin i ọnọdị ị rị mbụ; i k'e buyemẹzi ẹ manya k'i dọn e buye ẹ mbụ ogẹn i gi wụ onyẹ e buye ẹ manya.

Jẹnẹsisi 40:20

Nke akp'ọhịn ẹtọ ahụn kẹ wẹ gi a nyanhan ụhụọhịn wẹ gi mụ Fẹro. Ya Fẹro nọ kpọ ịhaịmẹ ẹ lẹ ndị-ọrụn a oriri. Ọ nọ nọ idẹnya ndị-ọrụn a wepụha madụ ẹbụọ ahụn ọ kpọkinye: kẹ onyẹ-isi ndị e buye ẹ manya kẹ onyẹ-isi ndị e shin'ẹ brẹdi.

Samuẹlụ Nke Ẹbụọ 22:1

Ogẹn Osolobuẹ gi zụọpụhachanrịngụ Defidi ẹka ndị-iṅẹnrẹn ẹ ile lẹ ẹka Sọlụ, Defidi nọ gi oku ndịnị bụnị Osolobuẹ ẹbụ.

Samuẹlụ Nke Ẹbụọ 22:49

onyẹ hụn gbapụha m ẹka ndị-iṅẹnrẹn m. Ịyụ mẹ m karị ndị iwe m e we, gha ẹka ndị egbu-lẹ-egbu gbapụha m.

Samuẹlụ Nke Ẹbụọ 7:9

A nọyegụọnị m'ị ebe ọwụlẹ i jẹn, e mẹrigụọnị m'ị ndị iṅẹnrẹn i ile. M jẹnkọ nwan d'e mẹ ẹfan ị kpọ nọkẹ ẹfan ndị kachanrịn okẹn-ịhịan e mẹ elu-ụwa.

Ndị-nze Nke Ẹbụọ 25:27

Hụn mẹ ẹ ahụa mmẹsa kwasị ọgụn wẹ nwụnrụn Jehoyakini eze Juda, Ẹvili-Mẹrọdakị nọ họnrin eze Babilọnụ. Hụn mẹ akpọhịn ẹsa kwasị ọgụn imẹ ifọn nke mmẹbụọ rịn'a, Ẹvili-Mẹrọdakị nọ gha ụlọ-ngan wepụha Jehoyakini eze Juda;

Ihiẹn Mẹni Nke Ibuzọ 22:18

Ọ sị wẹ, “Ẹlẹ Osolobuẹ wụ Chuku ụnụ nọyeni ọnụ anọyeni? O mẹgụọnị agha bini ụnụ azụụn ile? Makẹni o bugụọ ndị bi alị ile rị ẹgbẹrẹni che m ẹka; alịnị ile rị nwan okpuru Osolobuẹ lẹ ndị nke ẹ.

Ẹbụ-ọma 107:22

Wẹ chụnyesọnmẹn'ẹ ẹjan w'e gi a kpanmịn a; wẹ yimẹ oro ịghọghọ e ku ihiẹn ndị ọ rụn!

Ẹbụ-ọma 110:7

O k'a rarị mirin iyi rị ụzọ, kẹni ọ hụn ndụn turu.

Ẹbụ-ọma 119:108

Dodo Osolobuẹ, narịn oyiye ịja-mma gha m ọnụ pụha; y'a kuzi m uhi i.

Ẹbụ-ọma 138:5

Wẹ gi ihiẹn Osolobuẹ e mẹ bụma ẹbụ, makẹni Osolobuẹ e nwọnkẹ ọghọ.

Ẹbụ-ọma 21:1

Euu Osolobuẹ, eze rị a ghọghọ nị i ye ẹ ikẹn; ọ rị a ghọghọ ọda-ọda makẹni y'e yeọlẹ ẹ mmẹri.

Ẹbụ-ọma 21:13

Osolobuẹ dodo, lihi nwan kpa ikẹn i! Ẹnyi k'e gi ẹbụ ja ikẹn i mma!

Ẹbụ-ọma 3:3

Kanị Osolobuẹ, ịyụ wụ onyẹ e che m nche, ọghọ m lẹ onyẹ a tụnị m ụya.

Ẹbụ-ọma 3:4

Osolobuẹ kẹ m'a kpọku, ọ gha Ugu nsọ a za m. Sẹla

Ẹbụ-ọma 47:1

Ụnụ ndị alị ichẹn-ichẹn, kpọ nị ẹka! Gi ni ẹbụ ịghọghọ ja Osolobuẹ mma!

Ẹbụ-ọma 57:8

Obi m, tẹnhin! Ụbọ mmaka lẹ ụbọ-layẹ tẹnhin ni! Mmẹ k'a kpọtiẹndẹ ụtụntụn!

Ẹbụ-ọma 81:1

Bụ nị nị Chuku hụn wụ ikẹn ẹnyi ẹbụ ịghọghọ, yi ni ni Chuku Jekọpụ oro ịghọghọ!

Ẹbụ-ọma 95:1

Bịa nị, nị ẹnyi bụnị Osolobuẹ ẹbụ! Nị ẹnyi gi ni ịghọghọ yini Okẹn-ọmụma ahụn a zụọpụhanị ẹnyi oro!

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Jerimaya 31:7

Osolobuẹ sịzị, “Bụnị nị Jekọpụ ẹbụ ịghọghọ; yini ni alịnị ka alị ndị-ọzọ ile oro ịghọghọ. Weshi ni olu elu ye ekele, a sị, ‘Euu, Osolobuẹ, dodo zụọpụha ndị nke i, ndị Izrẹlụ họdụnị.’

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.