Ẹbụ-ọma 27:4 - Ika

⁴ Ihiẹn ohu kẹ m'a rịọ Osolobuẹ, ịya kẹ m'a chọkẹnmẹ: ibiri imẹ Ụlọ Osolobuẹ ndụn m ile: e lee kẹ Osolobuẹ mahan mma, a nọ Ụlọ-NSỌ a e ro ẹ, e fe ẹ.

Ẹbụ-ọma 27:4 ပူးပေါင်းရင်းမြစ်များ

Samuẹlụ Nke Ẹbụọ 21:1

Ogẹn Defidi gi rị a kị Izrẹlụ, o nwọn ogẹn ụnwụn gi mụ ọrọgbọ ahụa ẹtọ zu ezu. Defidi nọ jụ Osolobuẹ ihiẹn buhẹn'ẹ. Osolobuẹ nọ sị, “Sọlụ lẹ ikpụlọ a ẹdeke rị ẹka haịn — ndị Gibiọnụ Sọlụ gbu haịn.”

Ẹbụ-ọma 23:6

Eziẹ, ihiẹn rị mma lẹ ihiẹn-ọsụsụọ k'e sọn m ndụn m ile, e biri m iwe Osolobuẹ jẹnrin ejẹn.

Ẹbụ-ọma 26:6

A kwọpụ m ẹka ihiẹn m marịnlẹni, Osolobuẹ, e jẹnhunmẹ ukpo nchụn-ẹjan ị,

Ẹbụ-ọma 26:8

Euu Osolobuẹ, Ụlọ ahụn i bi a sụọka m — ebẹhụ ọghọ ị rị.

Ẹbụ-ọma 27:8

Obi m sị m, “Chọ ihun ẹ!” M rị nwan a chọ ihun i, Osolobuẹ;

Ẹbụ-ọma 50:2

Zayọnụ, obodo ahụn mma a zu oke, k'ọ gha nwunla kẹ ukpẹ.

Ẹbụ-ọma 65:4

Onyẹ ị họrị buche ẹhụ ị n'o biri ezi-ọgwa ị e nwọnkẹkwọ ngọzi. Ẹnyi sikọ d'e ri ihiẹn rị mma rị Ụlọ-NSỌ ị rijun ẹfọ, ihiẹn rị mma hụn rị Ebẹhụ Rị Nsọ ị rị.

Ẹbụ-ọma 84:10

Akpọhịn ohu ezi-ọgwa ị ka mma karị akpọhịn nnụ-uku ebe ọzọ; iwuzo ọnụmụzọ Ụlọ Chuku m ka mma karị ibi ụlọ ndị wẹ nọ e mẹ eje-ihiẹn.

Ẹbụ-ọma 84:4

Ngọzi wụ nke ndị bi Ụlọ-nsọ ị, a ja ị mma ogẹn ile! Sẹla

Ẹbụ-ọma 90:17

Ọhụnma Osolobuẹ wụ Chuku ẹnyi ya ru ẹnyi ẹka; ya mẹ ihiẹn ẹnyi buche ẹka ghanị ẹnyi; ya dodo mẹ ihiẹn ẹnyi buche ẹka gha ihun!

Jerimaya 29:13

Ụnụ sikọ d'a chọ m, ụnụ a hụn m, omẹni ụnụ e gichanrịn obi ụnụ chọ m.

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Matiu 6:33

ka chụmagụ nị Alị-eze Osolobuẹ lẹ ihiẹn Osolobuẹ chọ, o sikọ d'e yezi ụnụ ihiẹn ndịnị ile.

Luku 10:42

kanị ihiẹn ohu sụọ rị mkpa; Meri a họrịgụọ hụn ka mma; anapụkọ w'a ya.”

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Luku 18:1

Jizọsị nọ gi ilu ghọsị ndị nsọnmazụụn n'o furu nị wẹ e mẹ ekpere e mẹsọnmẹ, anịnị wẹ ndụn gụ wẹ.

Luku 2:37

Ọnọdị ahụn k'ọ rịkwọ nwan d'e ru hụnnị ọ rị nwa ahụa ẹnọ kwasị ọgụn-ẹnọ. Ara gha Ụlọ-nsọ pụ; ọ hụ e fe Osolobuẹ ukinkin lẹ efinnaị, e bu ọnụ, e mẹ ekpere.

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Filipi 3:13

Umunẹ, m'a ra weridẹ enwẹn m kẹ onyẹ nwọnhẹngụn'a. Mba! Kama, ihiẹn ohuni kẹ m'e mẹ: m'a zọ hụn m nwọnhẹngụ, a lịlịma nị m nwọnhẹn hụn rị ihun.

Timoti Ibuzọ 5:5

Okpoho di ẹ nwụn hụn nwọnlẹni onyẹ ọwụlẹ nke-esi e gi Osolobuẹ e dọn ẹnya, e mẹ ekpere ogẹn ile, a rịọ Osolobuẹ uhinhin lẹ efinnaị.

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Samuẹlụ Nke Ibuzọ 1:11

Ọ nọ kwe Osolobuẹ nkwa, sị, “Osolobuẹ Ihiẹn ile rị okpuru ẹ, dodo, omẹni y'e mẹ omikẹn lee ụfụ rị odibo i obi, nyanhan m, omẹni y'a zọnị odibo i, nị y'e ye m okẹnnyẹ, m sikọ d'e yekin y'ẹ; ọ k'a wụchanrịn nke i o we nwụn; onwọnni ogẹn w'e gi kọ a ntutu.”

Samuẹlụ Nke Ibuzọ 22:10

Ahimẹlẹkị nọ jụn'a Osolobuẹ ihiẹn ọ sị a jụ a, wezi ọpịa-agha Golịatị onyẹ Filistia ye ẹ.”

Samuẹlụ Nke Ibuzọ 30:8

Ya Defidi nọ jụma Osolobuẹ, sị “Nị m chụ itu-gbukwarịnị? Nịbe m s'ẹka kunrun wẹ?” Osolobuẹ nọ sị a, “Chụ wẹ. I jẹnkọ d'e kunrunrịrị wẹ; i jẹnkọ d'a napụhadẹ wẹ ihiẹn wẹ weri.”