Ẹbụ-ọma 26:1 - Ika

¹ Osolobuẹ, dodo kuni m ọnụ m, makẹni m hụ e bi ọhụnma; makẹni m hụ e gi Osolobuẹ e dọn ẹnya, enwọnni m obi ẹbụọ.

Ẹbụ-ọma 26:1 ပူးပေါင်းရင်းမြစ်များ

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Jobu 2:3

Ya Osolobuẹ nọ jụ Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku, ara gi eje-ihiẹn mẹ ẹhụ. Echẹn k'o gikwọ hụn o gi, ọ sụọn'a nị i te nu m nị m tikpọ a bụ onwọnni ihiẹn o mẹ.”

Jobu 4:6

Y'a nịkọ egun-Osolobuẹ rị imẹ i mẹ obi ru i alị? Y'e gikọ obibi nwọnlẹni nkọrịanị ị rị e bi nwọnrin olilẹnya?

Ẹbụ-ọma 121:3

Ọ nịkọ ụkụ ị kpori; onyẹ-nche i eruekọ ụran.

Ẹbụ-ọma 15:2

Onyẹ hụn e bi obibi nwọnlẹni nkọrịanị — hụn e mẹsọnmẹ ezi-omumẹ, hụn e gi akpakalị obi ẹ ile e ku ezioku;

Ẹbụ-ọma 21:7

Eze gi Osolobuẹ dọn ẹnya haịn; makẹni Onyẹ hụn Kachanrịnnị nwọn ihiẹn-ọsụsụọ ndị nke ẹ, onwọnni ogẹn eze e gi mẹhunmẹ.

Ẹbụ-ọma 25:2

ịyụ wụ Chuku m kẹ m gi dọn ẹnya. Anịlẹ ifẹnrẹn mẹ m, anịlẹ ndị-iṅẹnrẹn m mẹri m.

Ẹbụ-ọma 25:21

Ezioku lẹ obibi kụrụ ọtọ wẹ chemẹ m, makẹni yụ kẹ m gi dọn ẹnya.

Ẹbụ-ọma 26:11

Bụ mmẹ nwẹn hụ e bi ọhụnma; dodo, gbapụha m nwan, mẹ omikẹn m.

Ẹbụ-ọma 28:7

Osolobuẹ wụ ikẹn m lẹ akpaịn m; Ịya k'e obi gi e ru m alị, o yeni m ẹka. Obi m hụ a tụshi elu, a ghọghọ, m hụ e gi ẹbụ a kpanmịn a.

Ẹbụ-ọma 31:14

Kanị ịyụ kẹ m rị e lee ẹnya, Osolobuẹ; m hụ e ku ẹ nị “Ịyụ wụ Chuku m.”

Ẹbụ-ọma 35:24

Osolobuẹ hụn wụ Chuku m, dodo ghọsị wẹ nị ẹka m rị ọchan, makẹni ị wụ onyẹ ezi-omumẹ; anịlẹ wẹ mụ m ẹmụ.

Ẹbụ-ọma 37:31

Iwu Chuku ẹ rị a imẹ obi, ụkụ a ara kpopụ.

Ẹbụ-ọma 4:5

Chụn nị ẹjan hụn Osolobuẹ chọ, ụnụ e gi Osolobuẹ dọn ẹnya.

Ẹbụ-ọma 43:1

Chuku, dodo shịanị m ẹri; kinni m ọnụ m ebe ndịnị marịnlẹni Chuku rị, zụọpụha m ẹka ndị-ntụ hụn e mẹgbu ịhịan —

Ẹbụ-ọma 54:1

Chuku, dodo gi Ẹfan ị zụọpụha m; gi ikẹn i ghọsị wẹ n'o nwọnni ihiẹn m mẹ!

Ẹbụ-ọma 62:2

Ịya sụọ wụ ọmụma e che m nche lẹ onyẹ hụn a zụọpụhanị m; ịya kẹ m gbọnni: emẹhunmẹkọ m ọda.

Ẹbụ-ọma 62:6

Ịya sụọ wụ ọmụma e che m nche lẹ onyẹ a zụọpụhanị m; ịya kẹ m gbọnni: emẹhunmẹkọ m.

Ẹbụ-ọma 7:8

Osolobuẹ a hannị alị ile eṅẹn. Kinni m nwan ọnụ m, Osolobuẹ, makẹni ẹka m rị ọchan; makẹni m kụrụ ọtọ.

Ẹbụ-ọma 94:18

M te sị, “Ụkụ m e kpori,” kanị Osolobuẹ, ị nọ ghọsị m ihiẹn ọsụsụọ kẹ onyẹ nke i, ghọdọn m.

Itẹn 20:7

Onyẹ ezi-omumẹ e bi obibi nwọnlẹni nkọrịanị; o k'a rịnị mmụ a lalanị mma.

Itẹn 29:25

Ịtụ egun ịhịan wụ ọnyan, kanị onyẹ gi Osolobuẹ dọn ẹnya, onwọnni ihiẹn e mẹn'ẹ.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Hibru 10:23

Nị ẹnyi kwọnkẹnmẹ ni nwan olilẹnya ẹnyi, e ku ẹ, e kushi ẹ ikẹn, makẹni Onyẹ hụn kwe ẹnyi nkwa furu wẹ gi e dọn ẹnya.

Pita Ibuzọ 1:5

O gi nwan ikẹn o gi wụrụ Osolobuẹ e dọnmẹ ụnụ, ghahanị okukwe ụnụ, kẹni nzụọpụha o wela ọgụgụ-ogẹn hụn ụzọ ru ụnụ ẹka.

Pita Nke Ẹbụọ 1:10

Umunẹ m, lịlịma nị nwan kẹni ụnụ wụsọnmẹ ndị Osolobuẹ kpọ lẹ ndị ọ họrị d'e ru isi ẹ. Makẹni, ụnụ gha e mẹ ẹrịra onwọnni ogẹn ụnụ e gi dan!

Samuẹlụ Nke Ibuzọ 2:9

O k'e chemẹ ndị-nsọ a ebe-lẹ-ebe wẹ jẹnkọ, kanị ndị-njọ jẹnkọ d'a nwụntọ imẹ ishi, nwụnyụn ẹnya. Ẹlẹ akwanran kẹ ịhịan gi e mẹri;

Samuẹlụ Nke Ibuzọ 24:15

Osolobuẹ ya hannị mmẹ lẹ ịyụ eṅẹn. Ya leban oku m ẹnya, kuni m ọnụ m; ya zụọpụha m ẹka ị gi ghọsị nị emẹni m'i njọ!”