Ẹbụ-ọma 24:5 - Ika

⁵ O k'a narịn ngọzi ẹka Osolobuẹ, Chuku hụn wụ Onyẹ-nzụọpụha a k'e kun'ẹ ọhụnma.

Ẹbụ-ọma 24:5 ပူးပေါင်းရင်းမြစ်များ

Ẹbụ-ọma 50:23

Mkpamịn, ya wụ ezigbo ẹjan hụn e ye m ọghọ, a kwa ụzọ, m gi a ghọsị a nị Chuku a zụọpụha ịhịan.”

Ẹbụ-ọma 68:19

Osolobuẹ a rịka mma: o bu ibu ẹnyi ụhụọhịn-ụhụọhịn; ịya wụ Chuku hụn a zụọpụhanị ẹnyi.

Ẹbụ-ọma 72:17

Ẹfan eze ya agụlẹ kaka jẹnrin ejẹn; ẹfan a ya rịsọnmẹ, ẹnyanwụn e we gụ. Alị ile wẹ gi ẹ e nwọnrin ngọzi; alị ile wẹ kpọma a onyẹ wẹ gọzi.

Ẹbụ-ọma 88:1

Dodo Osolobuẹ, Chuku hụn a zụọpụhanị m, m hụ a kwan, a kpọku i efinnaị ile, a bịazị ihun i uhinhin!

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 46:13

M wela nwan ihiẹn ahụn rị mma; ọ rịgụọ nsue; nzụọpụha m rọ, o biekọ d'a bịa. M k'e ye Zayọnụ nzụọpụha; bu ọghọ m che Izrẹlụ ẹhụ.

Azaya 51:8

Makẹni, ẹkịka k'e ripụ wẹ kẹ ẹkwa; ọhọrị k'e ripụ wẹ kẹ oruru. Kanị ọzụọpụha m jẹnkọ d'a zụọpụha k'a rị jẹnrin ejẹn, nzụọpụha m k'e ru agbọ ile.”

Azaya 54:17

mmẹ rị a sị ị nị onwọnni ihiẹn-ọgụn ọwụlẹ wẹ rụntọn'ị k'e ru i ẹhụ, ọnụ ị k'e gburi ọnụ ọwụlẹ yụ lẹ ịya k'e kin ikpe. Ọnwan wụ ukuu idibo Osolobuẹ, hụnnị kẹ m gi a tụnị wẹ ụya. Ya kẹ Osolobuẹ ku.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Galeshịa 3:14

Ọ gbapụha ẹnyi kẹni ngọzi Osolobuẹ gọzi Ebraham hụn ụzọ ruzi ndị alị ndị ọzọ wụlẹni ndị Ju ẹka, ghahanị Kraịstị wụ Jizọsị, kẹni ẹnyi hụn ụzọ gi okukwe nwọnhẹn Mmọn-nsọ ahụn Osolobuẹ kwe nkwa a.

Ndị Galeshịa 3:9

Ya wụ, ndị hụn kwerini k'e sọn Ebraham hụn kwerini wụrụ ndị wẹ gọzi.

Ndị Galeshịa 5:5

Kanị, okukwe lẹ ikẹn Mmọn-nsọ kẹ ẹnyi nwẹn rị e gi che nị Osolobuẹ kuni ẹnyi ọhụnma ahụn ẹnyi rị a tụ ẹnya a.

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Ndị Filipi 3:9

a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Pita Ibuzọ 3:9

Emẹgwarịkwọlẹ ni ịhịan eje-ihiẹn mọbụ kpọgwarị wẹ iyi. Kama, gọzi ni wẹ, makẹni ngọzi kẹ Osolobuẹ kpọ ụnụ d'e weri.