Ẹbụ-ọma 24:1 - Ika

¹ Elu ụwa wụ nke Osolobuẹ, ịya lẹ ihiẹn ile rịn'a; elu-ụwa lẹ ndị ile bin'ẹ;

Ẹbụ-ọma 24:1 ပူးပေါင်းရင်းမြစ်များ

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Ihiẹn Mẹni Nke Ibuzọ 29:16

Euu Osolobuẹ wụ Chuku ẹnyi, ihiẹn ndịnị ile ẹnyi ye nị wẹ gi tụnnị ị ụlọ-nsọ hụn Ẹfan-nsọ ị k'a rị, ghachanrịn ẹka ị bịa; ịyụ nwọn wẹ ile.

Ihiẹn Mẹni Nke Ẹbụọ 25:9

Amazia nọ sị odibo Osolobuẹ, “Nanị m'e mẹ nwan ẹkpa siliva uku ọgụn-isẹn m gi we ndị-agha Izrẹlụ ndịnị?” Odibo Osolobuẹ hụ nọ sị a, “Osolobuẹ k'a s'ẹka yekarịdẹ i ọhụn.”

Jobu 34:13

Onyẹ tumẹ Chuku n'ọ kịma elu-ụwa? Onyẹ bu ụwa ile che ẹ ẹka kịma?

Jobu 41:11

Onyẹ kẹ m gi ụgwọ hụn m k'a kụrịrị? Mmẹ nwọn ihiẹn ile rị okpuru igwere.

Jobu 41:3

N'ọ rịọma ị dodo, a rịọ ị a rịọdọnzi kẹni i mẹn'ẹ omikẹn? N'o gi ọnụ alụlụa gwa ị oku?

Ẹbụ-ọma 50:10

Makẹni, anụmanụ ile rị ọfịa wụ nke m, efin ile rị elu òke nnụ-uku a kpa nni wụzị nke m.

Ẹbụ-ọma 50:12

Omẹni ẹgụn te gi m, agwakọ m ụnụ, makẹni ụwa lẹ ihiẹn ile rịn'a wụ nke m.

Ẹbụ-ọma 89:11

Igwere wụ nke i, elu-ụwa wụzịkwọ nke i; ịyụ ke ụwa lẹ ihiẹn ile rịn'a.

Ẹbụ-ọma 89:12

Ịyụ ke ẹbamịn ugu lẹ ẹbamịn-ndịdan; ugu Tabọ lẹ ugu Hẹmọnụ hụ e gi ẹfan ị e yi oro ịghọghọ.

Ẹbụ-ọma 98:7

Ohimin lẹ ihiẹn jun imẹ ẹ wẹ zụn ụzụn; ụwa lẹ ndị bin'ẹ wẹ zụn ụzụn!

Ọpụpụ 19:5

O mẹ nwan nị ụnụ e humẹchanrịnnị m isi, dọnmẹ nkwerigbama m jẹnkọ d'e tumẹ ẹgbata mmẹ lẹ ụnụ, imẹ anị ile rịnị, ụnụ sụọ k'a wụrụ ihiẹn m hụn pụ-ichẹn, makẹni ụwa ile wụ nke m.

Ọpụpụ 9:29

Mozizi nọ sị a, “Hụn m gihụ gha imẹ obodoni pụ, m jẹnkọ d'a kịshi ẹka elu zinmẹ Osolobuẹ, mẹ ekpere. Akpabọnị jẹnkọ d'a kụsị; ẹkwan-igwere a danbehi, kẹni i marịn nị ụwa wụ nke Osolobuẹ.

Daniẹlụ 4:25

wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Nahum 1:5

Ugu hụn a, e mẹhunmẹ wẹ, elu òke hụn a, a rịnranpụ wẹ. Ọ pụha, elu-ụwa a mama piripiri, elu-ụwa lẹ ndị ile rịn'a!

Ndị Kọrẹntị Ibuzọ 10:26

ri ni makẹni Ẹkụkwọ-nsọ sị nị, “Ụwa lẹ ihiẹn ile rịn'a wụ nke Di-nwọnni-ẹnyi.”

Ditrọnọmi 10:14

Osolobuẹ wụ Chuku ụnụ nwọnchanrịn elu-igwere kẹ ebahụn kachanrịn elu e jẹn elu-igwere, ya lẹ ụwa lẹ ihiẹn ile rịn'a,