3 o mẹ ndụn a banzị m. O dugha m ụzọ ezi-omumẹ makẹ ufiri ẹfan a.
n'o gi ẹ zụọpụha a ẹka ọnwụn, kẹni ukpẹ hụ wụ ndụn hụn ụzọ e nwunkpu ẹ.
Kanị ọ nọ gi ufiri ẹfan a zụọpụhakwọ wẹ, kẹni ọ ghọsị ikẹn ẹ:
Kanị, Di-nwọnni-ẹnyi Osolobuẹ, dodo, gi ufiri ẹfan ị mẹyeni m, gi ufiri ihiẹn-ọsụsụọ ị rịgbu enwẹn ẹ mma gbapụha m.
A kpahugụọ m nọkẹ atụnrụn tuhuni; dodo chọha odibo i, nị azọnị m iwu i.
Iwu Osolobuẹ ye ẹnyi zu oke, o bu ndụn e che ịhịan obi; ụmụ-iwu Osolobuẹ ti furuchanrịn wẹ gi e dọn ẹnya, o mẹ ogbori a marịn ihiẹn;
Ebe o mẹni ịyụ wụ ọmụma m lẹ ụlọ zeni m'a gbaban, gi nwan ufiri ẹfan ị du m, a gwa m ebe m k'a zọye ụkụ.
Alalẹ m tọnị ọnyan wẹ shitọnị m nzuzue, nị ịyụ kẹ m gbọnni.
Sọn ni m ja Osolobuẹ mma; nị ẹnyi bushi ni ẹfan a elu.
Dodo Osolobuẹ, gi ezi-omumẹ i du m makẹ ndị-iṅẹnrẹn m; mẹ ụzọ ị riẹnni m.
Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.
Yezi m ịghọghọ onyẹ hụn ị zụọpụha, y'e ye m obi m'e gi turusọnmẹ.
Yeni nwan ẹnyi ẹka, Chuku hụn a zụọpụhanị ẹnyi, gi ye ẹfan ị ọghọ; dodo, zụọpụha ẹnyi, gbagharị ẹnyi njọ makẹ ẹfan ị.
Ọrụn-ọma a k'e burun'ẹ ụzọ, kwan'a ụzọ o k'a gha.
M'a ghọsị ị ụzọ amamihiẹn, m'e we i a gha ụzọ rị mma.
Ụzọ rị mma kẹ m'a gha, ụzọ furu efuru,
M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.
M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”
M jẹnkọ d'a gha alị hụ rị ẹbamịn-ugu wekinhẹn wẹ, gha ebe ile wẹ rị imẹ ụwa welụa wẹ. Ndị ẹnya-ishi lẹ ndị ngụrọ k'a rịdẹ imẹ wẹ, kẹ ikpoho rị imẹ lẹ ndị imẹ rị e mẹ, igunrun ahụn k'a lụanị k'e hi-ogbe.
Kanị emẹni m'ẹ makẹ ufiri ẹfan m, amamgbe m'e budan ẹfan m ẹnya alị ndị hụ m nọ idẹnya wẹ wepụha wẹ alị Ijiptu.
Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!
“Ndị ihiẹn wẹ sụọ m kẹ m'a jụgbọ, a fịan mkpịnsịn. Mẹ ngwa bihutọ ẹka.