Ẹbụ-ọma 22:16 - Ika

¹⁶ Ndị-iṅẹnrẹn e kehunmẹgụọ m kẹ nkitẹ; itu ndị-ejẹ e kehunmẹgụọ m, dọyịya m ụkụ lẹ ẹka kẹ ẹwọrọ e mẹ.

Ẹbụ-ọma 22:16 ပူးပေါင်းရင်းမြစ်များ

Jọnụ 19:37

Ẹkụkwọ-nsọ e kugụọzị a ebe ọzọ, sị, “Wẹ jẹnkọ d'a gba onyẹ hụ wẹ dụn ihiẹn ilee.”

Matiu 27:35

Ogẹn wẹ gi kpọmagụ a elu obe, wẹ nọ tụ nkpọ, gi ẹ keri ẹwuru ndị o yi. Ọnwan mẹ kẹni ihiẹn onyẹ-amụma ku hụn ụzọ mẹzu. Onyẹ-amụma sị, “E keri wẹ ẹkwa m, a tụ wẹ nkpọ, gi ẹ keri ẹwuru m.”

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Jọnụ 20:25

Ya ndị nsọnmazụụn ibe ẹ nọ sị a, “Ẹnyi a hụngụọ Di-nwọnni-ẹnyi.” Kanị Tamọsị nọ sị wẹ, “Mmanị m hụn ẹnya ntu ndị hụ rị a ẹka ẹbụbụọ, bu mkpịnsịn-ẹka m che ẹnya ntu ndị hụ, bu ẹka m che ẹkụnkụn a — ekwerikọ m!”

Jọnụ 19:23

Ogẹn ndị-agha hụ gi kpọmagụ Jesu elu-obe, wẹ nọ kịrị ẹkwa a kebe ụzọ ẹnọ, onyẹ-onyẹ nọ weri ohu ohu. Kanị, ẹwuru tueni o yiye elu ẹ enwọn ebe wẹ nọ kwagbama a makẹni ibe ẹkwa ohu rọchanrịn, gha elu d'e ru alị,

Makị 15:24

Ya wẹ nọ kpọma a elu obe. Wẹ nọ kebe ẹkwa a, gi ịtụ-nkpọ hanrịn a.

Jọnụ 19:34

Kanị onyẹ ohu imẹ ndị-agha hụ nọ dụn Jesu obo ẹkụnkụn, ẹdeke lẹ mirin nọ gbapụha.

Luku 23:33

E ru wẹ ebẹhụ w'a kpọ “Okpokomisi”, wẹ nọ nọ ebẹhụ kpọma Jesu ye elu obe, ịya lẹ ndị hụ mẹ eje-ihiẹn: onyẹ ohu rị a ẹka-nni, hụn-ẹbọ rị a ẹka-ekpẹn.

Ndị Filipi 3:2

Kpachanpụ nị ẹnya makẹ nkitẹ ndị hụ! Kpachanpụ nị ẹnya makẹ ndị ahụn rị e mẹ eje-ihiẹn! Ẹghẹẹ, kpachanpụ nị ẹnya makẹ ndị hụ e bekika ịhịan ẹhụ nị wẹ rị a kwa ugun!

Luku 23:23

Kanị wẹ hụkwọ e yi, a sị a kpọgbu Jizọsị. Oro wẹ a karị ẹka, nke wẹ nọ bụn.

Azaya 53:5

Mba. Isi ẹnyi nupụ haịn wẹ gi dụn ẹ ihiẹn, njọ ẹnyi haịn wẹ gi mẹshi ẹ ikẹn; afụnfụn hụn ọ ta kẹ ihiẹn gi rịnị ẹnyi mma; ẹhụ wẹ rụsọnmẹ ẹ kẹ wẹ gi zụọ ẹnyi.

Ẹbụ-ọma 22:20

Zụọpụha m, amamgbe w'e gi ọpịa-agha gbu m; zụọpụha ndụn m ẹka nkitẹ ndịnị.

Ẹbụ-ọma 22:1

Chuku m! Chuku m! Kị haịn i gi la m tọ? Kị haịn i gilẹni rị nsue n'ị zụọpụha m?! Kị haịn i gilẹni rị nsue n'ị nụ udẹn m rị a sụn?!

Jọnụ 20:27

Ya kẹ ọ nọ sị Tamọsị, “Wẹhẹ mkpịnsịn-ẹka ị n'i bu ẹ che ebeni; lee ẹka m ẹbụbụọ; wẹhẹ nwan ẹka ị n'i buche m ẹkụnkụn. Arụzịlẹ ụka; kweri!”

Ẹbụ-ọma 59:6

W'a pụha ẹnyasị, e yi oro kẹ nkitẹ, e jẹnhunmẹ imẹ obodo.

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.

Ẹbụ-ọma 86:14

Chuku dodo, ndị rị e mẹkarị enwẹn wẹ e bugụọ nụmanị m; ndị obi wẹ rị azụụn rị a chọ m isi; onwọnni ihiẹn wẹ kpọ ị.

Matiu 26:57

Ya ndị nwụnrụn Jizọsị nọ we ẹ jẹnni onyẹ-isi nchụn-ẹjan wụ Kayafasị imẹ ọgwa a, ebe ndị-nkuzi Iwu lẹ ndị-isi nọ rị e zu.

Matiu 7:6

“Eyekwọlẹ ni nkitẹ ihiẹn rị nsọ; atụkwọlẹ ihiẹn rị mkpa yeni ezin, amamgbe w'a zọkpụkpọ a, maye ụnụ ọgụn, dọrinrin ụnụ.

Jerimaya 12:6

Umunẹ i, ndị nẹdi i mụ yụ lẹ wẹ e rezighọdẹ i; e gigụọ wẹ i yi oro. Ọsụọn'a wẹ rị e ku oku i ọhụnma ebe ị rị, egikwọlẹ wẹ dọn ẹnya.

Ẹbụ-ọma 59:14

Ẹnyasị a pụhazị wẹ, e yi oro kẹ nkitẹ, e jẹnhunmẹ imẹ obodo;

Ẹbụ-ọma 38:11

Ndị-ọwụ m lẹ ndị mmẹ lẹ wẹ wị a kpa arịzị a nọkunmẹ m, makẹ emu rị a kụnị m; ndị bikunmẹni m arịzị a bịa ebe m rị.