Ẹbụ-ọma 20:8 - Ika

⁸ Wẹ k'a sọhị, dan, ẹnyi nwẹn k'e lihi, turu ọhụnma-ọhụnma.

Ẹbụ-ọma 20:8 ပူးပေါင်းရင်းမြစ်များ

Ndị-nze Nke Ẹbụọ 19:23

Y'e zihẹgụọ ndị ụkọ ị, a kpari wẹ Osolobuẹ ọda-ọda. Ị hụ a sị, ‘Makẹni m nwọn ụgbọ-ẹshin agha bu ọda, e rugụọ m elu ugu ndị jẹnsọnmẹ elu, rudẹ mkpọnụnụ ugu Lẹbanọnụ. E gbutugụọ m osisi sida a ndị kachanrịn e sue, osisi-paịnị a ndị kachanrịn mma. E rugụọ m ebe kachanrịn e te imẹ ọfịa Lẹbanọnụ, ebe kachanrịn ẹnya e kin imẹ ẹgboko Lẹbanọnụ.

Ihiẹn Mẹni Nke Ẹbụọ 14:10

Asa nọ pụ d'e kunrun ẹ, wẹ nọ werisọnmẹ ọnọdị agha imẹ Ọdanmgbugbu Zẹfata hụn nọkunmẹ Maresha.

Ihiẹn Mẹni Nke Ẹbụọ 14:11

Ya kẹ Asa nọ kpọku Osolobuẹ wụ Chuku, sị, “Osolobuẹ, onwọnni onyẹ nọ kẹ yụ hụn k'e yeni onyẹ nwọnlẹni ndụn ẹka lụsọn dikẹn ọgụn. Osolobuẹ wụ Chuku ẹnyi, dodo yeni ẹnyi ẹka, makẹni ịyụ kẹ ẹnyi gi dọn ẹnya; ẹfan ị kẹ ẹnyi gi bịa d'a lụsọn igunrun-aghanị ọgụn. Osolobuẹ dodo, ịyụ wụ Chuku ẹnyi; anịkwọlẹ ịhịan mẹri i.”

Ẹzra 8:22

Ifẹnrẹn anịnị m sị eze ye ẹnyi ndị-agha lẹ ndị gi ẹshin a lụ agha k'e che ẹnyi nche ụzọ makẹ ndị-iṅẹnrẹn rị ụzọ, makẹni ẹnyi a gwagụọ eze nị Chuku ẹnyi rị onyẹ gi ẹ e dọn ẹnya azụụn, kanị o gi okẹn ọnụma e sọn ndị ile gbakitọ a azụụn.

Ẹbụ-ọma 124:8

Ẹfan Osolobuẹ, Onyẹ hụn ke elu-igwee lẹ ụwa, kẹ eyemẹka ẹnyi gha a bịa.

Ẹbụ-ọma 125:1

Ndị gi Osolobuẹ dọn ẹnya nọ kẹ ugu-Zayọnụ, hụn wẹ ghalẹni asẹka e mẹhunmẹ, hụn k'a rị jẹnrin ejẹn.

Ẹbụ-ọma 33:16

Ẹlẹni eze e nwọnkẹ ndị-agha k'o gi e mẹri; ẹlẹni odogun-agha e nwọnkẹ akwanran k'o gi e mẹri;

Ẹbụ-ọma 33:17

ẹlẹni ịhịan gi ẹshin-agha k'o gi e mẹri agha — kẹ ẹshin-agha e nwọnlẹ akwanran, ọ sakọ ẹka ye i mmẹri.

Itẹn 21:31

W'a kwademẹ ẹshin a tọnị ụhụọhịn agha, kanị ẹka Osolobuẹ kẹ mmẹri rị.

Hosia 14:4

Osolobuẹ sị, “M k'a gwọ wẹ ọdanpụnị wẹ danpụ; m k'a shịapụ ẹfọ nwọn ihiẹn-ọsụsụọ wẹ makẹni olulu m rị e buni wẹ a rọgụọ.

Maịka 7:8

Onyẹ iwe, amụlẹ m ẹmụ, makẹni, ọsụọn'a nị m dan adan, m k'e lihizi; ọsụọn'a nị m rị imẹ ishi, Osolobuẹ jẹnkọ d'a wụrụnị m ukpẹ.

Joshụa 11:4

Wẹ nọ kịrị ndị-agha wẹ ile lẹ ẹshin lẹ ụgbọ-ẹshin agha bugbu enwẹn ẹ ọda pụha. Ndị-agha hụ e bukẹmẹkẹ ọda, wẹ nọkẹ ẹjan rị mkpẹnrẹn ohimin.

Ndị Han Eṅẹn 5:31

“Euu Osolobuẹ, ndị iṅẹnrẹn i ile wẹ la iwi ẹrịra! Kanị, ndị ihiẹn i a sụọ wẹ nọ kẹ ẹnyanwụn, ebe ọ nọ wachanrịn!” Agha hụ e bigụ, udọn nọ rị alị ahụa ọgụnnaị.

Samuẹlụ Nke Ibuzọ 17:45

Defidi nọ sị a, “Ọpịa-agha lẹ obo lẹ obo ọnụ-suẹn-suẹn-suẹn k'i bula d'a lụsọn m ọgụn, kanị ihiẹn mmẹ gi bịa d'a lụsọn i ọgụn wụ ẹfan Osolobuẹ ihiẹn ile rị okpuru ẹ, Chuku ndị-agha Izrẹlụ, hụn ị rị a kpọ mgba a kpari!!