Ẹbụ-ọma 19:9 - Ika

⁹ Ịtụ-egun Osolobuẹ rị mma, ọ rị jẹnrin ejẹn; ihiẹn Osolobuẹ sị ya ka mma furu wẹ gi e dọn ẹnya, wẹ ile rịchanrịn ọchan.

Ẹbụ-ọma 19:9 ပူးပေါင်းရင်းမြစ်များ

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Jẹnẹsisi 42:18

Nke akp'ọhịn ẹtọ, Josẹfụ nọ sị wẹ, “Nị m gwa ụnụ ihiẹn ụnụ k'e mẹ makẹ wẹ gha e gbu ụnụ, makẹni egun Chuku a tụ m a tụ:

Ndị-nze Nke Ibuzọ 18:12

Bụ amarịn m ebe Mmọn Osolobuẹ jẹnkọ d'e we i shi hụn m gihụ la ị tọ. M jẹn nwan d'a gwa Ehabụ, ọ bịa bụ ọ hụnn'ị, o gbu m — bụ Osolobuẹ kẹ mmẹ wụ odibo i e fe gha alị lala.

Nehemiah 5:15

Kanị, ndị gọvanọ bu m ụzọ kị buye wẹ okẹn ibu, d'e ru ebe wẹ nọ sị wẹ tụhamanị wẹ ihiẹn-oriri lẹ manya lẹ akpụrụ egho siliva ọgụnnaị ụhụọhịn-ụhụọhịn; ndị ọrụn ndị gọvanọ a kịgbudẹ wẹ a kịgbu. Kanị, emẹni m ẹrịra, makẹ egun Osolobuẹ.

Ẹbụ-ọma 10:5

Ogẹn ile kẹ ihiẹn gi a ghan'a. O mẹkarị enwẹn ẹ, onwọnni ihiẹn o gi oku i e mẹ; imi-imi k'o ru ndị-iṅẹnrẹn ẹ.

Ẹbụ-ọma 111:10

Ịtụ egun Osolobuẹ wụ mbidọn amamihiẹn; ndị gi ẹ e bi e nwọnrin ezigbo nghọta. Ịja-mma k'a rịnị Osolobuẹ jẹnrin ejẹn.

Ẹbụ-ọma 115:13

o k'a gọzi ndị ile a tụ egun Osolobuẹ: kẹ onyẹ uku kẹ onyẹ nta!

Ẹbụ-ọma 119:1

Ngọzi wụ nke ndị e bi obibi nwọnlẹni nkọrịanị, ndị gi iwu Osolobuẹ e bi.

Ẹbụ-ọma 119:106

E kungụọ m ẹfan ị, kunshi ẹ ikẹn, nị m k'a gha e dọnmẹ ezigbo uhi i yisọnmẹni ẹnyi.

Ẹbụ-ọma 119:111

Oku-ọnụ ị wụ ukuu m jẹnrin ejẹn; uwẹ e mẹ obi a sụọ m ụsụọ.

Ẹbụ-ọma 119:142

Ezi-omumẹ i wụ ezi-omumẹ hụn k'a rị jẹnrin ejẹn; iwu i wụ ezioku.

Ẹbụ-ọma 119:39

Wepụnị m ụya m rị a tụ egun ẹ, makẹni uhi i ile rịchanrịn mma!

Ẹbụ-ọma 119:62

M'e lihi imẹ abalị a ja ị mma makẹ uhi rị mma i yisọnmẹni ẹnyi.

Ẹbụ-ọma 119:7

M k'e gi obi kụrụ ọtọ ja ị mma, ogẹn m'e gi mụnrụn uhi rị mma i yisọnmẹni ẹnyi.

Ẹbụ-ọma 119:75

A marịnghọ m nị ezigbo eṅẹn kẹ y'a han, Osolobuẹ, nị y'e mẹgụọ kẹ onyẹ wẹ gi e dọn ẹnya ebe ị nọ ye m afụnfụn.

Ẹbụ-ọma 12:7

Ẹghẹẹ Osolobuẹ, i k'e chesọnmẹ ẹnyi nche, amamgbe eje-agbọnị a rụ ẹnyi ẹhụ —

Ẹbụ-ọma 147:19

Ọ gwagụọ ụmụ Jekọpụ ihiẹn ọ chọ n'o ku; o butọgụọnị Izrẹlụ ọdịnalị a lẹ uhi ẹ.

Ẹbụ-ọma 36:1

O nwọn ihiẹn Chuku rị a gwa m imẹ obi: nị onyẹ-njọ jọ njọ ru alị, egun Chuku arị a ẹnya.

Ẹbụ-ọma 36:6

Ezi-omumẹ i turu ọhụnma-ọhụnma kẹ okẹn-ugu ile, eṅẹn i e mikẹ — ọ nọkẹ okẹn-ohimin. Euu Osolobuẹ, ịyụ e dọnmẹ kẹ ịhịan kẹ anụ ndụn.

Ọpụpụ 21:1

“Ndịnị wụ iwu i k'e yesọnmẹ wẹ:

Itẹn 8:13

Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ndị Rom 11:22

Ebeni kẹ ẹnyi nọ hụn ẹfọma Osolobuẹ lẹ ẹka a zeni: ẹka zeni o gi e sọn ndị hụn danpụnị lẹ ẹfọma o gi e sọn ụnụ ndị kwerini — kasị a mẹ ni ụnụ nọdịhụkwọ ebe ẹfọma a nọ e ru ụnụ ẹka. Kanị, omẹni ụnụ anọdịsọnmẹni, ọ kwapụzịkwọ ụnụ nwẹn.

Ndị Rom 2:2

Ẹnyi a marịnghọ nị Osolobuẹ wụ onyẹ ezioku ebe ọ nọ ma ndị e mẹ ihiẹn ndị nọ ẹrịra ikpe.

Ditrọnọmi 4:8

Elee alị ọzọ wụ okẹn alị ẹnịna? Alị hụn nwọn uhi lẹ iwu rị mma kẹ iwu ndịnị ile m rị e ye ụnụ tannị?

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 16:7

M nọ nụ kẹ ukpo nchụn-ẹjan shịarị, sị, “Ẹghẹẹ, Chuku-nwọnni ẹnyi hụn nwọn ikẹn ile, ikpe ị ma wẹ hụ mma, ezigbo eṅẹn kẹ y'a han!”

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Samuẹlụ Nke Ibuzọ 12:24

Ka hụnn'a nị ụnụ a tụ egun Osolobuẹ lẹ nị ụnụ wechanrịn enwẹn ụnụ kwan'a. Rodẹ ni okẹn ihiẹn ndị hụ o mẹsọnmẹni ụnụ.