8 Ẹnwụnrụn hụ a gha a oghoro imi a lọpụha; ọkụn hụn a dụnnị hụ a gha a ọnụ a pụha; ikeke-ọkụn hụ a gha a tụpụha.
Ọ nọ lee ẹnya azụụn ahụn Sodọm lẹ Gomora lẹ alị aradan ahụn ile rị, ọ nọ hụn kẹ alị ahụn ile rị a lọ ẹnwụnrụn nọkẹ ẹnwụnrụn ẹgboko wẹ yi ọkụn.
Ọkụn rị e nwunni hụ a gha a ọnụ e hupụha; ikeke-ọkụn hụ a pụha.
Osolobuẹ lehụ ụwa ẹnya, ụwa e zinzinmẹ; o mẹtụhụ ugu ọwụlẹ ẹka, ẹnwụnrụn a lọpụhama!
O k'e hu ikeke-ọkụn lẹ nsịn ẹnyanwụn rị e rẹn ọkụn kpu ndị-njọ; ufere rị e bi ọkụn wụ nke wẹ.
Ị pụha, y'e mẹ wẹ ihiẹn okẹn ọkụn e mẹ ihiẹn. Osolobuẹ k'e gi olulu luepụ wẹ; ọkụn a k'e bu wẹ ri.
Osolobuẹ ẹnyi lala, kanị o tukọ udọn: ọkụn e bu ihiẹn e ri rị a ihun, okẹn ẹbi rị a kpọnị fihunmẹ ẹ!
Euu Chuku k'ị jụnị ẹnyi jẹnrin ejẹn? K'ị tọnị e buni atụnrụn ị olulu?
Onyẹ hụn isi gbanahịn ihiẹn-egun ahụn, ọ danye imẹ mgbugbu; onyẹ hụn isi gha imẹ mgbugbu hụ nyinpụha, ọnyan a nwụn a. Ụzọ mirin rị elu-igwere a gụnpụsọnmẹgụọ, iyetọ ụwa hụ e zinzin.
Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.
Ya ọkụn nọ gha ebe Osolobuẹ rị pụha d'a dụngbu wẹ, wẹ nọ nwụntọ ihun Osolobuẹ.
M nọ gi ntikpọ sọn ụnụ kẹ m dọn tikpọ Sodọm lẹ Gomora, ndị họdụnị nọ nwan rị kẹ ihiẹn wẹ lọpụha imẹ ọkụn, kanị, ụnụ egikwọn'a rogharị d'e kunrun m.” Ya kẹ Osolobuẹ ku.
Ogẹn ndị Izrẹlụ gi kpemẹ nị wẹ rị a ta afụnfụn, ku ẹ hụn Osolobuẹ nụ, Osolobuẹ a nụ a, ezigbo olulu nọ bu ẹ. Ya ọkụn gha ẹka Osolobuẹ bịa nọ nwunrun imẹ igunrun wẹ, dụnpụ ihiẹn ndị rị mkpẹnrẹn ebahụn wẹ ziẹntọ.
Ọkụn nọ gha ebe Osolobuẹ rị bịa, dụnpụ wẹ madụ iri kwasị ọgụn-mmẹbụọ hụ rị a mụ nsẹnsi.
Osolobuẹ e kwerikọ gbagharị onyẹ hụ, o k'e gi okẹn ọnụma a sọn onyẹ ahụn, ọnụ ile wẹ bụtọ imẹ ẹkụkwọnị k'e ru ẹ ẹhụ, Osolobuẹ k'e finchanpụ ẹfan hụnyẹ elu-ụwa.
Onyẹ chọ n'ọ mẹ wẹ ihiẹn ọwụlẹ, ọkụn a gha wẹ ọnụ pụha dụngbu ndị ahụn rị a chọ nị wẹ mẹ wẹ ihiẹn — ẹrịra kẹ onyẹ chọ n'o mẹ wẹ ihiẹn k'a dọn nwụnhụn.