5 Ụzọ ị sụọ kẹ m'a gha, ụkụ m aghanị imẹ ẹ pụ.
M'e sọnchanrịn nzọmụkụ a; ụzọ a kẹ m'e sọn — aghatuni m'ẹ pụ.
Dodo, a ghọsị m ebe m'a zọye ụkụ, kẹ i dọn kwe nkwa; anịkwọlẹ njọ ọwụlẹ kị m!
Ọ nịkọ ụkụ ị kpori; onyẹ-nche i eruekọ ụran.
Osolobuẹ k'e che i nche makẹ eje-ihiẹn ọwụlẹ gha e ru i ẹhụ; o k'e che ndụn ị nche.
Y'e mẹ ụzọ a shịapụnị m m ghakọnị, amamgbe m'e kpori, dan.
A chụ m ndị-iṅẹnrẹn m, chụkunrun wẹ — akụsịnị m d'e ru n'e gbuchanrịn m wẹ.
Makẹni a sịgụọ m, “Anịlẹ ndịnị mụ m ẹmụ, ndịnị a ghọghọ nị ụkụ m e kpori.”
Obi ẹnyi apụnị ebe ị rị, ẹnyi aghanị ụzọ ị pụ.
M te sị, “Ụkụ m e kpori,” kanị Osolobuẹ, ị nọ ghọsị m ihiẹn ọsụsụọ kẹ onyẹ nke i, ghọdọn m.
Osolobuẹ, a marịnghọ m nị ẹlẹ ịhịan nwọn enwẹn ẹ; ẹlẹ ịhịan e ku ebe o k'e jẹn.
O k'e chemẹ ndị-nsọ a ebe-lẹ-ebe wẹ jẹnkọ, kanị ndị-njọ jẹnkọ d'a nwụntọ imẹ ishi, nwụnyụn ẹnya. Ẹlẹ akwanran kẹ ịhịan gi e mẹri;