Ẹbụ-ọma 17:3 - Ika

³ Y'e lelegụọ obi m; y'e gigụọdẹ abalị bịa d'e kunrun m — y'e lelechanrịngụọ m nke-esi — onwọnni eje-ihiẹn ị hụn. A kwademẹgụọ m obi m n'e gikọ m ọnụ m mẹ njọ.

Ẹbụ-ọma 17:3 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Jobu 23:10

Kanị ọ marịnghọ ụzọ m'a gha; o lelegụ m, m k'a pụha ọhụnma lekẹ goru.

Jobu 24:14

Eki gi, izighẹ e heli, gbumẹ ndị igbẹnnyẹ lẹ ndị elu rị a fụ — uhinhin k'o gi e gepụ nọkẹ onyẹ-ohin.

Ẹbụ-ọma 11:5

Osolobuẹ hụ e kweni onyẹ ezi-omumẹ isi, kanị ize onyẹ-njọ hụ e ze ẹ ọda-ọda, ize onyẹ ẹka-ikẹn a sụọ hụzị e ze ẹ ọda-ọda.

Ẹbụ-ọma 119:106

E kungụọ m ẹfan ị, kunshi ẹ ikẹn, nị m k'a gha e dọnmẹ ezigbo uhi i yisọnmẹni ẹnyi.

Ẹbụ-ọma 139:1

Euu Osolobuẹ, y'e lekpọgụọ m, marịn m ru alị.

Ẹbụ-ọma 139:23

Chuku dodo nyọnchan m, kẹn'i marịn obi m; lele m, kẹn'i marịn ihiẹn m rị e ro,

Ẹbụ-ọma 16:7

M k'a ja Osolobuẹ hụn a dụn m ọdụn mma; kẹ imẹ uhinhin, obi m a gwa m oku.

Ẹbụ-ọma 26:2

Lele m, Osolobuẹ, dodo lele m: lele iroro m lẹ obi m —

Ẹbụ-ọma 39:1

M te sị, “M k'a kpachanpụkwọ ẹnya, kwọndọn ire m amamgbe m'e gi ẹ mẹ njọ; m k'a kwakin ọnụ m, ogẹn ọwụlẹ onyẹ-njọ rị m nsue.”

Ẹbụ-ọma 66:10

Y'e lelegụọ ẹnyi, Osolobuẹ, kẹ wẹ e lele siliva imẹ ọkụn.

Ẹbụ-ọma 7:4

omẹni e gighọ m eje-ihiẹn kụ ọwụ m ụgwọ mọbụ napụ eṅẹnrẹn m ihiẹn ẹ mmaka —

Itẹn 13:3

Onyẹ hụn e kwọndọn ire ẹ rị e chedọn ndụn a, kanị onyẹ ghalẹni e rogụ o kebe ku k'a la iwi.

Jerimaya 12:3

Kanị y'a marịngụọ m, Osolobuẹ; ị hụ a hụn m, e lele kẹ m dọn e ro i. Dọkpụnrụn wẹ kẹ atụnrụn d'e gbu! Bu wẹ tọnị ụhụọhịn wẹ k'e gbu wẹ!

Jerimaya 50:20

O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.

Hosia 7:6

Wẹ lẹ obi rị e kpọn wẹ ọkụn kẹ ẹnya-mgba, e gi wẹ ẹro nọkunmẹ eze; iwe rị wẹ obi hụ e rẹn kẹ ikeke-ọkụn uhinhin ahụn ile, ụtụntụn e ru, ọ nọ dụn.

Maịka 2:1

Ọ rịkọnị ụnụ mma, ụnụ ndị e chu ụran elu-ukpo, e rotọ eje-ihiẹn, eki fọn, e mẹ w'ẹ makẹni ọ rị wẹ ẹka.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Malakaị 3:2

Kanị, onyẹ k'a hụn isi ogẹn o k'e gi bịa? Onyẹ k'a s'ẹka turu mgbe o gi pụha? Makẹni, ọ nọ kẹ ọkụn wẹ gi a dụnchanpụ nsịn-igwe lẹ ncha wẹ gi a sụ ẹkwa!

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 16:9

Uhinhin hụ, Pọlụ nọ hụn ọhụn, hụn kẹ okẹnnyẹ ohu wụ onyẹ Masẹdonia turu, a rịọ a, “Dodo, bịa Masẹdonia d'e yeni ẹnyi ẹka!”

Ndị Kọrẹntị Ibuzọ 4:4

Obi m hụghọ ọchan, kanị ẹlẹ ọhụn kẹ ẹka m e gi rị ọchan; Di-nwọnni-ẹnyi ya nwọn kin m ikpe.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Jemisi 3:2

Ọ rụnahịn ẹnyi ile arụnahịn. Onyẹ oku-ọnụ ghalẹni a rụnahịn e zugụọ oke: n'ọ sazịghọ ẹka kwọndọnchanrịn ẹhụ a ile.

Pita Ibuzọ 1:7

wẹ rị e gi wẹ a ghọsị nị okukwe ụnụ wụ ezigbo ẹ, makẹni okukwe ụnụ ka goru mkpa bụ wẹ e gidẹ ọkụn e lele goru — ọsụọn'a nị goru e wiwi ewiwi! Wẹ rị e lele okukwe ụnụ, kẹni wẹ ja ụnụ mma ogẹn Jizọsị e gi bịa, ye ụnụ ọghọ lẹ mgbaye.

Samuẹlụ Nke Ibuzọ 24:10

Y'e gigụọ nwan ẹnya ị hụn a tannị nị Osolobuẹ e te bugụọ ị che m ẹka imẹ okporo hụ. O te nwọngụọ ndị sị m gbu i, kanị egbuni m'i; m sị, ‘Egbukọ m nna m, makẹni onyẹ Osolobuẹ tumẹ rọ.’

Samuẹlụ Nke Ibuzọ 24:12

“Osolobuẹ ya hannị mmẹ lẹ ịyụ eṅẹn. Osolobuẹ ya mẹgwarị ị eje-ihiẹn i mẹ m, kanị emẹtụkọ m'ị ẹka.

Samuẹlụ Nke Ibuzọ 26:11

Osolobuẹ a sọ nị m k'e mẹtụ onyẹ Osolobuẹ tumẹ ẹka! Weri nwan obo ẹ lẹ ihiẹn o gi a gbaye mirin rị a ẹhụ isi nị ẹnyi pụ!”

Samuẹlụ Nke Ibuzọ 26:23

Osolobuẹ a kụ onyẹ ọwụlẹ mẹ mma lẹ onyẹ furu wẹ gi e dọn ẹnya ụgwọ-ọrụn. Osolobuẹ bu i che m ẹka tannị, kanị emẹtụkọ m onyẹ Osolobuẹ tumẹ ẹka.