Ẹbụ-ọma 16:4 - Ika

⁴ Ndị rị e fe ihiẹn ọzọ gi ẹ hụ e seri nsọngbu bu ọda! Ehuyekọ m ẹdeke hụ wẹ e huyeni mmọn ndị ahụn, akpọkọdẹ m ẹfan mmọn ndị ahụn.

Ẹbụ-ọma 16:4 ပူးပေါင်းရင်းမြစ်များ

Jẹnẹsisi 35:14

Ya Jekọpụ nị bu ọmụma sueni tumẹ ebahụn Osolobuẹ nọ gwa a oku, hu manya ye elu ẹ, huzi udẹn ye elu ẹ.

Ẹbụ-ọma 32:10

Nsọngbu bu ọda a bịanị ndị-njọ, kanị, ihiẹn-ọsụsụọ Osolobuẹ e fihunmẹ ndị gi Osolobuẹ dọn ẹnya.

Ẹbụ-ọma 97:7

Ifẹnrẹn e mẹgbugụọ ndị ile e fe ihiẹn wẹ kpụ, ndị rị e gi mmọn nwọnlẹni ihiẹn ọ wụ a nyan isi; mmọn ile, kụnị nị Osolobuẹ isi alị!

Ọpụpụ 23:13

“Dọnrinkwọ nị ẹnya e mẹ ihiẹn ile m sị ụnụ e mẹ. Akpọkwọlẹ ni ẹfan mmọn-lẹ-iyi ọwụlẹ; anịkwọlẹ ni ẹfan wẹ ghadẹ ụnụ ọnụ pụha.

Azaya 57:6

Ọmụma riẹnni hụn jun ọdanmgbugbu iyi udu-mirin kẹ ụnụ gi dọn ẹnya; uwẹ kẹ ụnụ hanrịn. Ẹghẹẹ, ụnụ hụ e huyeni wẹ oyiye-manya e ye wẹ oyiye-ọka. Nị m hụngụ ihiẹn ndịnị ile etikpọnị m ụnụ?

Azaya 65:11

Kanị, ụnụ ile hụn gbakitọ Osolobuẹ azụụn, zọchanrịn ofufe ụnụ e fe m Ugu nsọ m; ụnụ ile hụn e fe Isi-ẹwẹrẹ, e butọn'a ihiẹn-oriri, e fe Okeri, e hugbaman'a manya, e mẹjunn'ẹ mkpu;

Azaya 66:3

Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Jerimaya 7:18

Ụmụẹka kpashimẹ ọkụn, ndị nẹdi wẹ a mụye ọkụn, ikpoho e shi ihiẹn-oriri wẹ gi a rụa mmọn wẹ w'a kpọ ‘Eze-okpoho Elu-igwee.’ Wẹ hụ a tụ manya e yeni mmọn ichẹn-ichẹn, e gi ẹ a kpasu m iwe.

Lẹvitikọsụ 23:13

cheni oyiye-ọka, ọka wẹ gweriẹn wẹ gi ofugbọn-olivu gwọ hụn k'e jun mkpu kọstadị-nta ẹnọ lẹ nkirishi — oyiye wẹ gi ọkụn ye Osolobuẹ, hụn ishin ẹ a sụọ ụsụọ; ụnụ sikọ d'e wẹhẹ ya lẹ oyiye ihiẹn-ọrịra sọnn'ẹ hụn wụ manya k'e jun mkpu kọstadị.

Jona 2:8

Ndị hụn e fe mmọn nwọnlẹni isi a latọgụọ ihiẹn yụ lẹ wẹ kwerigbama.

Joshụa 23:7

Esọnkwọlẹ ni alị ndịnị họdụ imẹ igunrun ụnụ kpa; akpọkwọlẹ ni ẹfan mmọn-lẹ-iyi wẹ mọbụ kun wẹ. Efekwọlẹ ni wẹ mọbụ kpọnị wẹ isi alị.