1 Euu Chuku, dodo che m nche — nị ịyụ kẹ m gbaburu!
Osolobuẹ e che onyẹ nwọnlẹni ihiẹn ọ marịn nche; ogẹn m gi rị imẹ nsọngbu, ịya zụọpụha m.
Ndị gi Osolobuẹ dọn ẹnya nọ kẹ ugu-Zayọnụ, hụn wẹ ghalẹni asẹka e mẹhunmẹ, hụn k'a rị jẹnrin ejẹn.
Onyẹ Chuku Jekọpụ e yeni ẹka e nwọnkẹ ngọzi, onyẹ bu obi tụkwasị Osolobuẹ wụ Chuku ẹ,
Ụzọ ị sụọ kẹ m'a gha, ụkụ m aghanị imẹ ẹ pụ.
Chemẹ m rịkẹ nwa-ẹnya ị; bu m zuemẹ okpuru ẹka-nku i
“Ọ tụkwasị Osolobuẹ obi! Osolobuẹ ya zụọpụha a nwan! Ya zụọpụha a nwan — ebe o mẹni ihiẹn ẹ asụọka Osolobuẹ!”
Dodo, che ndụn m nche, zụọpụha m; anịlẹ ifẹnrẹn mẹ m, makẹni yụ kẹ m gbọnni.
Ihiẹn Osolobuẹ ya sụọma ụnụ, ụnụ ndị nsọ a. Osolobuẹ e dọnmẹ ndị e mẹ uche ẹ, kanị, o ye ndị a pacheni afụnfụn furuni wẹ, e ye wẹ ya mmagi-mmagi.
Makẹni ndị e mẹ ihiẹn furuni a sụọ Osolobuẹ a sụọ; ọ latọkọ ndị nsọ a. O che wẹ nche jẹnrin ejẹn, kanị wẹ k'e gbupụ ụmụ ndị-njọ;
Chuku dodo, mẹni m omikẹn, nị ịhịan rị a bịangbu m; wẹ rị a lụsọn m ọgụn kẹ ụhụọhịn han.
Chuku, y'a jụtọgụọ ẹnyi; y'e tikpọgụọ ihiẹn ile ẹnyi gi e che enwẹn ẹnyi nche; ị rị e buni ẹnyi olulu; dodo, mẹ nwan n'ọ rịzịnị ẹnyi mma.
Euu Osolobuẹ, Chuku m, ịyụ kẹ m gbaburu! Zụọpụha m ẹka ndị rị a chụnị m, gbapụha m —
amamgbe w'a dọkịka m kẹ ẹwọrọ, dọrinrin m, onwọnni onyẹ k'a zụọpụha m ẹka wẹ!
Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!
Ndị marịnn'ị gi i e dọn ẹnya, makẹni onwọnni ogẹn yụ wụ Osolobuẹ gi a latọ ndị bịa d'e kunrunn'i.
Ụnụ ile ihiẹn Osolobuẹ a sụọ, eje-ihiẹn ya zemẹ ụnụ ize; Osolobuẹ e dọnmẹ ndị e mẹ uche ẹ ndụn; ọ gbapụha wẹ ẹka ndị-njọ.
Uwẹ ile k'o gi e chedọn ụzọ ndị ezioku, e che ụzọ ndị e mẹ uche ẹ nche.
Ezioku, ẹnyi te ro ni a magụọ wẹ ẹnyi ikpe-ọnwụn. Ihiẹnni mẹ amamgbe ẹnyi e gi enwẹn ẹnyi dọn ẹnya karị igi Osolobuẹ hụn e weli ndị nwụnnị dọn ẹnya.
ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.
