Ẹbụ-ọma 149:3 - Ika

³ Wẹ tẹnmẹ egu jama ẹfan a mma, wẹ kpọn'a ụbọ, kụn'a ẹgede-chakachaka.

Ẹbụ-ọma 149:3 ပူးပေါင်းရင်းမြစ်များ

Samuẹlụ Nke Ẹbụọ 6:14

Defidi yi ẹfọdụ, ẹwuru ndị nchụn-ẹjan wẹ gi linẹni kwa; ọ hụ e gi ikẹn ẹ ile e tẹnni Osolobuẹ egu,

Samuẹlụ Nke Ẹbụọ 6:16

Kẹ Ẹkpẹti-nsọ Osolobuẹ banla imẹ Obodo Defidi, nwunyẹ Defidi wụ Mikalụ nwa Sọlụ hụ windo e lee ile. Ogẹn o gi hụn kẹ Defidi wụ Eze rị a tụshi elu e tẹnni Osolobuẹ egu, ọ nọ lelịa Defidi imẹ obi ẹ.

Ihiẹn Mẹni Nke Ibuzọ 16:42

Hẹmanị lẹ Jedutunu kẹ igbu-opi lẹ ịkụ-kpajaị (simbalụ) lẹ ịkpọ ihiẹn-egu ndị ọzọ wẹ gi a bụ ẹbụ rị nsọ rị ẹka. Ụmụ Jedutunu nwọn iche-nche.

Ihiẹn Mẹni Nke Ibuzọ 25:6

Ikẹnnyẹni ile rị okpuru nẹdi wẹ, e gi kpajaị (simbalụ) lẹ ụbọ-hapụ lẹ ụbọ-layẹ a kụ egu imẹ Ụlọ-nsọ Osolobuẹ. W'a kụ egu wẹ gi e mẹ ihiẹn rị ichẹn-ichẹn imẹ Ụnọ-nsọ Chuku. Okpuru eze kẹ Asafụ, Jedutunu lẹ Hẹmanị nọ a rụn.

Ihiẹn Mẹni Nke Ẹbụọ 20:28

A banye wẹ Jerusalẹm, wẹ nọ shi imẹ Ụlọ-nsọ Osolobuẹ, wẹ lẹ ihiẹn-egu rị ichẹn-ichẹn: kẹ ụbọ-hapụ kẹ ụbọ-lutu kẹ opi.

Ihiẹn Mẹni Nke Ẹbụọ 29:25

Ọ nọ bu ndị Livaị che ọnọdị wẹ imẹ Ụnọ-nsọ Osolobuẹ, wẹ lẹ kpajaị (simbalụ), ụbọ-hapụ lẹ ụbọ-layẹ nọkẹ kẹ odibo Osolobuẹ wụ Defidi lẹ Gadị hụn a hụnnị eze ọhụn lẹ Natanị onyẹ-amụma dọn ku, makẹni ẹrịra kẹ Osolobuẹ ku ghahanị ndị-amụma a.

Ẹzra 3:10

Ogẹn ndị rị e gbedọnzi iyetọ Ụlọ-NSỌ Osolobuẹ gi gbegụ a, ndị nchụn-ẹjan nọ yiri ẹwuru nchụn-ẹjan wẹ, burusọnmẹ opi; ndị Livaị wụ ụmụ Asafụ e burusọnmẹ kpajaị (simbalụ); wẹ ile nọ werisọnmẹ ọnọdị wẹ gi a ja Osolobuẹ mma kẹ eze Izrẹlụ wụ Defidi dọn ku ogẹn mbụ.

Ẹbụ-ọma 30:11

Y'e gigụọ itẹn-egu nọkin ẹnya ẹkwan m rị a kwan; y'a gbụpụgụọ m ẹkwa-achọ, yimẹ m ịghọghọ,

Ẹbụ-ọma 33:2

Gi ni ụbọ-hapụ ja Osolobuẹ mma; gi ni ụbọ-layẹ nwọn eriri-iri kpọn'a egu.

Ẹbụ-ọma 81:2

Kpọma nị egu! Kụ nị ẹgede-chakachaka! Gi ni ụbọ-hapụ lẹ ụbọ-layẹ kpọ egu a sụọnị!

Ẹbụ-ọma 81:3

Gbu ni opi hụn ifọn gi pụ lẹ hụn ifọn gi shịagụ, gi kpọye mmẹmmẹ ẹnyi!

Ẹbụ-ọma 87:7

Kẹ ndị e tẹn egu kẹ ndị a bụ ẹbụ, wẹ ile sị, “Zayọnụ, ịyụ mụ ẹnyi ile!”

Ọpụpụ 15:20

Ya kẹ Miriam, okpoho onyẹ-amụma, nwẹnẹ Ẹrọnụ, nọ weri ẹgede-chakachaka, ikpoho ile nọ werisọnmẹ ẹgede sọn ẹ; wẹ hụ a kụ, e tẹn egu.

Jerimaya 31:13

“Ịgbagba k'a rị e tẹn egu, a ghọghọ; ẹrịra kẹ ikorọbịa lẹ ndị-ichẹn k'e mẹzikwọ. M jẹnkọ d'a napụ wẹ ẹkwan, ye wẹ ịghọghọ. M jẹnkọ d'a napụ wẹ ụya wẹ rị e ri, rọkọ wẹ obi, mẹ ẹfọ sụọ wẹ ụsụọ.

Jerimaya 31:4

Nwagbọọ m wụ Izrẹlụ, m jẹnkọ d'a tụndọnzi i nọkẹ ụlọ, y'e turuzi. I jẹnkọ d'a ghọghọmazị, kụma ẹgede, e tẹn egu imẹ ọgbọ-egu.

Ndị Han Eṅẹn 11:34

Ogẹn Jẹfta gi lụaha iwe ẹ rị Mizpa, e lee nwa a okpoho k'ọ pụha d'e kunrun ẹ, tẹnkọ egu, kụkọ ẹgede-chakachaka! Ịya sụọ k'ọ mụ. Okpoho ọzọ arịa; okẹnnyẹ arịa.